♡Art və Xaos♡
Mükəmməl yazıçının mükəmməl bir romanı daha...
Qaraqan(Elxan Zeynallı) yaradıcılığının sonuncu romanı olan "Art və Xaos".Roman axıcılığı gözəl,maraqlı süjeti ilə insanı valeh edir.Kitaba başladıqda oxumağı dayandırmaq istəmir,fasiləsiz şəkildə davam etmək istəyirsən.Qaraqan romanlarının ən sevdiyim cəhəti odur ki,romanda təsvir olunan sevgi şablonlaşmış bir anlayış ifadə etmir.Hər dəfəsində fərqli,görməyə,oxumağa öyrəşdiyimizin əksinə daha maraqlı bəzən isə imkansız sevgi təsvirlərinə romanlarında yer verib.Kitab öz içində təkrara yol vermir və məncə, bu romanda yazıçı "Qaraqan niyə getdi?" tipli suallara yetərincə cavab vermişdir.Kitabda Eyden(Aydın) adlı keçmiş SSRİ-nin tərkibində olan bir şərq ölkəsindən New-York'a gəlmiş musiqiçi gəncin başına gələn qəribə bir əhvalatdan bəhs olunur.Bu mükəmməl romanı hərkəs oxumalıdır .
Əsərdə sevmədiyim bir cəhət isə bəzi səhnələrin dərinliklərinə kimi gedib həddindən artıq incəlikləri ilə təsvir olunmasıdır.Nəzərə alsaq ki,Qaraqan romanları ən çox satılan və hər yaş dövrünün sevərək oxuduğu romanlardı bəzi məqamların həddindən artıq açıq və geniş təsvirinə gərək yox idi.Əsərin sonunun yarımçıq olduğunu düşünənlər var.Xeyr roman lazım olduğu yerdə bitdi Qaraqan yenə də,sonluğu bizim düşüncəmizə buraxdı.