Ji bo kîjan tawanê em tên cezakirin?
Di agirê kîjan tolstandinê de em tên şewitandin?
Di dojeha kîjan qederê de em dibin xwelî?
Di zibildana kîjan dîrokê de em winda dibin?
Di demjimêrên kîjan zemanî de em tên jibîrkirin?...
Ferhangan bidirîne û
Peyvên sar û mirî bide ber bê
Ez bedewtirîn şiîra hebûna te di xêzekê de dinivîsim.
Rabirdû reş bike û
Rojên tarî ji bîr bike
Xewna te ya herdemî di pêlekê de tînim cî