Bernamegeh-hejmara çaremîn 4. Sayısı
Hesenê MetêBernamegeh-hejmara çaremîn 4. Sayısı Posts
You can find Bernamegeh-hejmara çaremîn 4. Sayısı books, Bernamegeh-hejmara çaremîn 4. Sayısı quotes and quotes, Bernamegeh-hejmara çaremîn 4. Sayısı authors, Bernamegeh-hejmara çaremîn 4. Sayısı reviews and reviews on 1000Kitap.
Mahîn Şêxanî | Qedera Dirêj
Qeder, bi ter, mest û gêj e
Delalê dil nebirêje
Peyvek tenê tu bibêje
Bê kaniya vînê bimêje
Evîn xweş e her weqt û dema
Wek saz û dîlan û sema
Mîrovno kes nebê çima
Evîna rast rastiyê dibêje
Cîhan tev pêr dixemile
Her rengek sed sorgul e
Yara min di nav de şah gul e
Di dil de ye ew ji mêj e
Ne nalîn û xem û hêsir
Ne axîn û jan û keder
Rengîn e buhara bi ter
Qedram bi ter pir dirêj e..
Bûbê Eser | Ew in Dijminê Mirovahî
Heta ku em ev bin
Ne xwedî hêz bin
Ne xwedî dewlet bin
Em ê reben û bidest bin
Heta em biparêzin bratiya gelan
Em ê wenda bikin bi hezaran
De bese êdî bigirin hemî derîyan
Êdî silavê jî nedin wan hovan
Wan welatê me perçe kirine
Baweriyên me ji hev qut krine
Ji bona em nemînin weke kurd
Her tim li serê me dixin mîrkud
Bûbê Dibêje û dike qazî û dinalîne
Xwe dûr bixin ji wan ew alî ne
Xwe dûr bigrin ji roman ew ne xalî ne
Hukmê xwe li ser serê me danîn
Nepeyivîn bi zimanê wan, xwe dûr bixin ji adetên wan
Bavêjin hemî hêjayî û malê wan
Li xwe vegerin û bibînin wan.
Mihemed Hesko | Ey Felek
Te bostek şînî, da min
Min gazek şahî, jê girt
Te mistek axîn da min
Min hembêzek xweşî, jê girt.
Te tûrek kul û derd, diyarî min kir
Min barek hêvî û xwezî, jê girt
Te sêwîtî bi ser min de hilweşand
Min bavîtî ya gurzek hêvî û armanc kir.
Te, ez bi strîyên jînê birîn kirim
Min jê, qefdek sorgul diyarî dîlberê kir!
Ezîz Xemcivîn | Bêhna Baranê-4
Li çavên tiliyên min binere, tîrêjan davêjin hûrbîniyên jiyanê, dîsa binere li wê xala ko li ser zimanê mebesta min raperî ye, helarek di dilê pênûsa min de vêxist..
Şev berê xwe dide min, lênivîseke şermîn vedike û nihêniyên evîndaran di guhê min de dilorîne..
Ez ne stranbêj im, dê nikaribim banga te bi bayî re bişînim!
Ne helbestvan im tako hestên hêlînan tevrakim!
Ne kewgir û ne nêçîrvan im, destê min nikare sûcan hilgire.. Li jêr sîbera tenahiyê morîkên belavbûyî berhev dikim..
Dilo aram be derî negire, çivîkên li paş percereyê azadîxwaz in!
Ezîz Xemcivîn | Bêhna Baranê-3
Dema, xewn û xwezî bi hev re haval bûn. Dema, hêsir li ser rûçikên gulan diherikîn. Dema, babîsoka xweziyan li min û te hil dibû. Serê min di serê çiyayî de şikest û pênûsa min li bin lingê Dînasorekî teqiya! Te dît ez ne lîstikvan im! Te dît di kaniya evînê de melevan im, hema li ber çemê hestan diherikim?
Ezîz Xemcivîn | Bêhna Baranê-2
Li ber pencereyê, pirsa te ji bayê rêvîng dikim. Li ber tenûra dil pirsa te ji rivîna hilbûyî dikim. Ne xem e, tu li kû bî, dûrbînên hiş şiyar in. Pêlên hevokan bilind dibin û ji belengazî qilûs dadikevin.
Erê, ez ew nêçîrvanê tirsok im. Destên min naçin diziya tu baxçeyî, lê çavên min meşxelên ken li her derên evîna te vêdixînin. Erê ez ew dilê sotî me, dilê dahola cengê me, ji xavika berbangê hatime, ji penaha çavên dilovan derçûme, weke çip ko ji gwîzikeke pembû diçim gwîzikeke dî, dixwazim çavşînkekê bi milê bişirîna sibehê ve daliqînim.