Mixabin di lêkolînkirin û nivîsîna dîroka Kurdistanê ya ji hêla biyaniyan ve hatiye kirin de du nêzîkatî derdikevin pêşberî me; nêzîkatiyek ew e ku lêkolîner an jî nivîskar bi armanca nasîna dîrok û civaka Kurdistanê xebitîne û berhemên xwe amade kirine. Lê ji ber ku bi çavên biyanî li dîrok û civaka Kurdistanê nihêrtine, nikaribûne rastiyê bi awayekî xurt bînine ziman. Nêzîkatiya dûyemîn jî ew e ku lêkolîner an jî nivîskar bi mabesteke ne dirust nêzîkatî li civak û dîroka Kurdistanê kirine. Ev jî gelemperî lêkolîner û ‘dîrokzanên’ ji netewên serwer in ko Kurdistanê di bin destên xwe de digirin.
