Keçmişimiz, buruqluqlarımız və özümüzə etiraf edə ya da danışa bilmədiyimiz yaşanmışlıqlar ürəyimizin və yaddaşımızın dərinliklərində gizlənərək gələcəkdə hər hansısa addım qarşısına divarlar hörər, irəli addım atmağa mane ola bilər, inkişafı dayandıra ya da ağzımızın dadını qaçıra bilər. Bunların hər biri yaşadığımız anı və gələcəyi qara buludlar altında qoyur. İrvin Yalom, bütün pasientlərini öz qorxuları ilə üzləşmək üçün onlara cəsarət verir və dostcasına yanlarında olur. Xəstə ilə xəstə, aşiqlə aşiq, tənhayla tənha olub - bir növ hər kəsi özü ilə üzləşdirmək üçün pasienti qarşısında pasient olaraq onları tək hiss etdirmir. Beləcə İrvon Yalom hər bir pasientin öz keçmişi ilə barışmasını, indiki anını dəyərləndirməsini, gələcəyə həvəslə addımlağını və ən əsası insanların öz "Mən"ini tapması üçün yardımcı olacaq ən gözəl və ən səmimi üsulları, yolları, söhbətləri sevərək pasientlərinə aşılayır və ən qısa müddətdə onlarda yaranan irəliləyişlə hər birinin sevgisini və dostluğunu qazanır. İrvin Yalomun peşakarlıq nəticəsində qazandığı uğur və sevgi onun işinə böyük həvəs və məhəbbətlə qayğı göstərməsinə də səbəb olur. O təkcə pasientlərinin yox, həmçinin bu kitabla dirçələn, faydalanan oxucularının da böyük rəğbətini qazanmışdır...