Bu Da Bir Ömür...
Səfər SəfərliQuotes
Bir qönçə çiçəksən, şeh dodağında,
Susuz alışıram mən bulağında.
Ruhum çırpınsa da nur sorağında,
Zindanım olasan, qayıtmaram mən.
Sənimi unudum?.. Unutmaram mən!
Ey gözəl, de görüm mən hardan tapım?
Bir zülfü pərişan, telinə uyğun.
Tutum əllərindən o gözəl yarın,
Əlimdə əl olsun, əlinə uyğun...
Məndən uzaq saxla özünü bir az,
İçimdə atəş var, yandırar səni...
Sevirəm deyənlər çoxalıb, gülüm,
Aşiq sinəsində, köz gərək olsun.
Görən dinərdimi bu dil, bu dodaq,
Dağlar tutardımı qəlbimdən soraq?
Neynərdi önümdə bu qələm, varaq,
Ürəkdə dərd, kədər, qəm olmasaydı?