Bu Dünyanın Qara Daşı Göyərməz
Musa YaqubBu Dünyanın Qara Daşı Göyərməz Posts
You can find Bu Dünyanın Qara Daşı Göyərməz books, Bu Dünyanın Qara Daşı Göyərməz quotes and quotes, Bu Dünyanın Qara Daşı Göyərməz authors, Bu Dünyanın Qara Daşı Göyərməz reviews and reviews on 1000Kitap.
Bu nə hökmdü yazılıb,
Bu nə möhürdü basılıb,
Bu nə sevdadı belə,
Bu nə iddiadı belə —
Bu sevda bitməz,
Heç sonu yetməz.
Leyləklərin çöp yuvası boş qalıb,
Bahar gedib, payız gəlib, qış qalıb.
Göy çəməndə ocaq yanıb, daş qalıb,
Bu dünyanın qara daşı göyərməz.
Nə o ocaq közərəsi, sönəsi,
Nə o günlər bir də geri dönəsi…
Qəm eləmə, könlümün bir dənəsi,
Bu dünyanın qara daşı göyərməz.
O gülyanaq bənddir bir xoş baxışa,
Körpə budaq əl açıbdır yağışa.
Min baharın hərarəti yığışa,
Bu dünyanın qara daşı göyərməz.
Ot göyərdib o cığırım, o izim,
Tufanlanıb çalxalanmaz dənizim.
Daha məndən sevgi umma, əzizim,
Bu dünyanın qara daşı göyərməz.
Araz boyu çox mənalar sezmişəm,
Elə bilmə əllərimi üzmüşəm.
Ürəyimə daş bağlayıb dözmüşəm,
Bu dünyanın qara daşı göyərməz.
Salam, ruhum!
Salam, salam, dustağım...
Qışqırma içimdə azadlıq deyə,
Azadlıq nə gəzir bu yer üzündə?
Azadlıq gəzirəm elə özüm də.
Ulduztək üstümə səpələn, ey qar
Geyindir əynimə soyuq bir donu.
Sənin ki bu qədər təmizliyin var,
Bağışlamaq olar soyuqluğunu.
Ulduztək üstümə səpələn, ey qar,
Belə təmizlikə isinmək olar.
Aman, Allahım, Allahım
Bir kəpənək yarat məni
Çəmən boyu keyfə baxıb
Ruhum sevilmək istəyir
İzim qaymaq çiçəyindən
Zər simə dönmək istəyir.
Sayfa 897Kitabı okudu
Qaqauz folklorundan
Aman Allahım, Allahım
Yaratsana məni bir gül
Bir bülbülün qabağında
Könlüm nazlanmaq istəyir
Bir məhəbbət atəşində
Təzədən yanmaq istəyir.
Sayfa 896Kitabı okudu