Çaldıran Döyüşü sözleri ve alıntılarını, Çaldıran Döyüşü kitap alıntılarını, Çaldıran Döyüşü en etkileyici cümleleri ve paragragları 1000Kitap'ta bulabilirsiniz.
Şah İsmayıl Behzadın çəkdiyi şəkillərə baxıb heyrətini gizlədə bilmədi.
— Bunu insan əli yaradıb?
— Bəli, hökmdar. Kəmaləddin Behzadın fırçası ilahi vergisidir.
Şah İsmayıl xeyli müddət şəkillərə baxır, heç cür gözünü
onlardan ayıra bilmirdi.
Bəlkə də atası öz zəhmli portretlərini çəkdirib, üst tərəfdə üç tac nəqş etdirməklə demək istəmişdi ki, ey firənglər, baxın, görün, mən üç iqlimin hakimiyəm. (Fateh II Mehmet)
Murad Mirzə məsələlərə açıq gözlə baxmağı bacarırdı.
Başa düşürdü ki, şah İsmayılda ilahi qüvvə
yoxdur. Amma nəsə, elə bir qüvvə var ki, insanları onun ətrafına toplayır. Bəs o qüvvə nədir, kimdir? Niyə babam Uzun Həsənə sədaqətlə qulluq eləyən ölkə onun nəvələrindən üz döndərib? Səbəb nədir? Niyə Fateh Mehmetin nəvəsi Əhməd, vergilər azaltsa da, Təbrizdə möhkəmlənə bilmədi?
Qəribə işdi! İndi hamı «Şah İsmayıl» deyir. Onun tərəfinə
qaçır. Hələ bilmirlər ki, bu dərviş nəvəsi onlara heç nə
verməyəcək. İnsan belədir də, həmişə təzə bir şey axtarır. Təzə paltar, təzə ev, təzə hökmdar. Elə bilir ki, təzə köhnədən yaxşı olacaq. Yaxşı olacaqmı?