Quotes
Bîna bin çengê çiyan
û velerzîna giyanê riyan
û xwekuştina pinpinîkên sînga diyan
bibêjin...
Vê sibehê,
Min dixwest tiştekî ji te re bibêjim:
Tiştekî bi qasî welatê min şêrîn
Bi qasî azadiyê xweşik
Bi qasi dilê dayika min germ
Bi qasi xwîna şehîdan pîroz
Û bi qasî çavên te xemgîn
Min dixwest ji te re bibêjim:
Ji te hez dikim!
Sayfa 36
li wir bimîne
min bi ser xwe de birijîne
û di ferhenga dilê min de bimîne
Wek çemekî
Di ber te re çûm û nema li şopa lîngen te vegerîyam
Wek ewrekî
Di ber te re çûm û nema li esmanê çavên te vegerîyam..
Wek pencereyekê
Ji dîle te re vebûm û nema li sira bayê evîna te gerîyam ...
Û wek darbesteke
Di ber te re çûm û nema li hîmbêza axa te vegerîyam...
Ehmed Huseynî
De rê bide min
Da ku ji te hez bikim
Min li ber serê xwe, findeke ebedî vêxîne
Amûdê
Her sibe
me gulên te yên zikmakî
me rêçên evînê û dilpakî
bi xunava bêrîkirinê diparast,
dergehên bi navnîşanên şînê
di axîna te de
peşkên barana sersar û dîn,
û me xewrevîn bi ebrûyên hêviya stewr dialast
em çûn xwê... dara tûyê di tozê de ma,
em di sînga te de ji girî lal bûn
lê tu mayî, zengil
û temaşevana dilrast.