Dünya Yuxutək Əriyir kitaplarını, Dünya Yuxutək Əriyir sözleri ve alıntılarını, Dünya Yuxutək Əriyir yazarlarını, Dünya Yuxutək Əriyir yorumları ve incelemelerini 1000Kitap'ta bulabilirsiniz.
Bilirsən, nə qədər sevirəm səni?
Bilirəm, bilirsən, başa düşürsən,
Necə arzuların çin olmasını
Gecələr Allahdan diləyirəm mən.
Bilirsən, əbədi mən səninləyəm.
Öpürəm işıqlı, saf gözlərindən.
Nağıllardan gələn gülümsər körpəm.
Ən gözəl sevgisən bu dünyada sən!
Bəxş olunmamısan boş yerə mənə.
Göydən sualıma cavab dilədim,
O mələk göndərdi, cavab yerinə.
İşıqlı təbəssüm, nur dolu gözlər...
Baxdım saatlarla, oxudum, andım.
Göylər nağılından oyandın burda
Oyandın ki, səni bağrıma basım.
Həsrətin, qüssənin dərmanı sənsən,
Səhər sevincimsən, gecə işığım.
Öpdükcə öpürəm ağ əllərini,
Səndən doğma, əziz nəyim var axı!?
Sən ki başqaları kimi deyilsən,
Mələklər baş çəkir sənə hər zaman.
Müqəddəs yuxular unudularmı?
Onları gizlərəm, sökülüncə dan.
Sən mənim sevgimsən, özün bilirsən,
Səni ilk görən an necə titrədim...
Ürəyimə salıb, bərk-bərk gizləyib
Qəlbimin içində gültək bəslədim.