Hər şey “Yol kənarında piknik” əsərinin ekranlaşdırılmasından sonra başladı. Böyük bir müəllif ordusu filmi yox, hadisələrin əsasında duran stalkerlərin macəralarını davam etdirmək qərarına gəldi. Beləliklə, “S.T.A.L.K.E.R.” seriyasından müxtəlif fantastik romanların yazılmasına start verildi. Bu janrın Azərbaycanda yeganə təmsilçisi Nəcəf Talıbovdur. O, oxucularını qeyri-adi bir ərazi – nüvə partlayışı nəticəsində yaranmış anomaliya zonası ilə tanış edir.
Artefaktlar, ölüm saçan silahlar, mutantlar, gözəgörünməz tələlər, fantastik qurğular oxucu üçün tamamilə yenidir. Amma əsər o qədər doğma və şirin Azərbaycan dilində yazılıb ki, bütün bu inanılmaz hadisələrin əsərin qəhrəmanı Killerin başına gəldiyinə zərrə qədər şübhə etmirsən. Əsərin ilk cümləsini oxuyan hadisələrdən ayrıla bilmir.
Bizdə döyüş fantastikası yoxdur deyənlərin cavabı bu əsərdir.
Kitab ölkəmizdə bu janrında yazılmış ilk əsərdir.
Yazıçının təsvir etdiyi hadisələr əsasında ilk Azərbaycan döyüş filminin çəkiləcəyi gün də uzaqda deyil.
Nəcəf Talıbov
