Esmanê Sor Şahidên Komkujîya Gelîyê Zîlan 1930 NİHAT GÜLTEKİN NİHAT GÜLTEKİN DOZ DOZ DOZ Di van salan dawîn de der bareyê Komkujîya Zîlanê de çend lêkolîn û pirtûk li Tirkîyeyê hatine weşandin. Ev hemû bi Tirkî bûn. Lê belê nivîskar û lêkolînerê Kurd Nihat Gültekin niha çawa em li vir dibînin cara pêşîn ev dîroka bi Kurdî nivîsîye. Bi rastî dîroka Kurd divê bi Kurdî bê nivîsîn. Zimanê dîrokê jî tenê wiha dikare pêş de here. Nivîskar ev çend sal in li ser vê mijarê kar dike, bi dehan kesan re hevpeyvîn pêk anîye ku bûne şahidê vê komkujîyê. Hin kes ji wan, wekî nivîskar jî dîyar dike, di van salên dawîn de wefat kirine û xwe negihandine dîtina çapa vê pirtûkê. Qedera nivîsa devkî wiha ye. Gelek kesên salbuhûrî bi lez ji nav me bar dikin û diçin rehmetê. Ji ber vê, divê em destê xwe sivik bigirin û xwe bigihînin wan Kurdên ku bûne şahidê dîrokê û hê jî dijîn! Ji ber vê sedemê ev karê ku Nihat Gültekin pêk anîye hêjayî pesindayînê ye. Em navê vî nivîskarê Serhedî ji zû de dinasin. Der bareyê Serhildana Agirîyê û Komkujîya Gelîyê Zîlanê de xebatên Nihat Gültekin her berdewam in. Nihat Gültekin di 90 salîya pêkhatina Komkujîya Gelîyê Zîlanê de pirtûk û belgefîlmeke balkêş weşand (2020). Nivîskar pergalek da wan gotinên Tahir Nas, yek ji wan şahidên Komkujîya Gelîyê Zîlanê û di dawîyê de wekî pirtûkeke cihê weşand (Lîs, 2020). Ez hêvî dikim ku em ê di pêşerojê de gelek berhem û pirtûkên nû yên Nîhat Gültekîn bibînin û bi kêfxweşî bixwînin. Rohat Alakom
Nihat Gültekin
