Helale
Eta NehayiHelale Gönderileri
Helale kitaplarını, Helale sözleri ve alıntılarını, Helale yazarlarını, Helale yorumları ve incelemelerini 1000Kitap'ta bulabilirsiniz.Bi Xwedê jiyana qereçiyan jî xweş e. Ax ez çiqasî dixwazim em mîna qereçiyan bin. Em mîna wan bajar û bajar û gund bigerin û di bin kon û çaldıran de bijîn.
"Gava şerm derî li gotinên min digire
Tu çima ji zimanê çavên min fêm nakî
Ji nihêniya wê gula sor
Ku her sibeh li ser rêya te şîn tê"
"Di dîrokê de hinek keç hene ku ji hezar mêrî bêtir li ser rêya azadî û rizgariya gel û welatê xwe şer kirine."
"Qeder?! Ma tu nizanî qeder çi ye"
"Erê zanim. Çaleke li ser rêya min hatiye kolan û divê ez tê de wer bibim. Xefikeke li ber lingê min hatiye vedan û divê ez lê bilikumum."
Mêrê rojhilatî ti carî nikare çîroka dildariya jina xwe qebûl bike, tew heke ew çîrok di raboriyê de jî qewimîbe û qehremanê wê jî kesek ku di raboriyê de miribe.
Diya wê serê xwe dihejand û digot: "Ji wan gotinan bawer neke keça min. Bi dirûvên însanan nexape. Tu hîn zarok û bê tecrûbe yî. Tu nizanî çewa kîvroşkeke nerm û nazik û bê ziyan ji nişka ve dibe jûjîyekî gij û zivir. Çewa mîheke belengaz dibe gurekî har û dirinde. Çewa giyanên bi dirûv perperokî dibin moz û şandelîk, dibin dûpişk, dibin mar, marên heft serî, dibin ejdeha..."
Şêrzad digot: "Sedama sereke ew e ku jinên penaber, bi taybetî jinên penaber ên welatê me gava piyê wan bigihe vir tên guhertin. Dema destê wan diçe berîka wan û hewcedariya wan a diravî bi zilamên wan namîne, êdî rêz û hurmeta mêr û malbata wan ji bîra wan diçe û pişta xwe didin wan hemû tiştan.
Şêrzat digot:"Pirsgirêka me ya mezin ew e ku em hatine guhertin. Ji bîra me çûye em xelkê ku ne û me pişta xwe daye welatê xwe û exlaq û reftarên xelqê welatê xwe." Digot: "Em bi awayekî beloq û kirêt çav li xelqê vî welatî dikin ku ne welatê me ye."
Heme Reşîd Axa ji tiştekî din ditirsiya. Ji gefeke din. Ditirsiya ku zarokên wî pişta xwe bidin welatê xwe, bidin partiya xwe, bidin rêbaza bavê xwe ku ji bona wê zindan û îşkence û koçberî dîtibû.
Ev qedera te ye Helale ku xençerek çiya bi çiya, bajar bi bajar û welat bi welat bi dû te keve ta li vir, li Stockholmê, li taxa Flemingsbergê, qata çaran a avahiya hejmar 18 di sînga te de biçike.