Lâkin şehîdlere telkîn virilmek münasîb olmaz. Zirâ anlara kabrde su'âl yokdır, melekler anların cenâzelerine hâzır olırlar ve anların yaraları ve kanları cennetlik oldıklarına şâhiddir ve anlar teslim-i rûh itmeden cennetdeki yerlerini ve hûrîlerini görürler. Ve bir de şehîdlere meyyit dimek câ'iz degildir anlar 'ind-i bârîde diridirler. Kıyamete dek merzûk ve mutene'im olurlar ve rûz-ı haşrde nâsa şefâ'at iderler.