Əvvəla onu qeyd edim ki, Sabit Rəhman Azərbaycanın önəmli komediya ustası, yazar və ssenaristidir. Hətta səhv etmirəmsə, “Əhməd Haradadır?” filminin ssenarisi də məhz ona məxsusdur. Bu kitabda isə onun yeddi komediyası toplanıb ki, onlardan birini - Gülümsərovun hekayəsini artıq bilirik. 1. Toy 2. Xoşbaxtlar 3. Aydınlıq 4. Ulduz 5. Nişanlı Qız 6. Əliqulu Evlənir 7. Yalan Sonuncu bir qədər fərqli üslubda yazılsa da, digərlərinin ana xətti demək olar ki eynidir. O dövrün insanlarını, var vəzifə üzrə riyakarlıqlar edən, var əlinin zəhmətilə çalışıb, can deyib can eşidən, bax həmin insanları oxuyuruq. Kitabı hər əlimə aldıqda zənn edirdim ki, hansısa ağ-qara köhnə filmimizi izləməyə başlayacam. Oxudum və komediyamızın bugün gəldiyi məqama heyfsləndim. Bu insan hələ 60’cı illərdə adi cümlə ilə güldürməyi bacarırdı, amma onun millətindən olan insanlar bugün iki saatlıq komediya filmləri çəkirlər, yenə güldürə bilmirlər. Bu böyük bir mövzudur, yaxşısı odur, biz qanımızı qaraltmayaq. Nənədən, babadan, qonşulardan, qohumlardan, xülasə, bukinistlərdən tapdınız, götürün, oxuyun. Məmnunan, Sabit Rəhman!

KomediyalarSabit Rəhman · Azərnəşr Nəşriyyatı · 19674 okunma