Norveçli səyyah və təbiətşünas alim Tur Heyerdal 1947-ci ildə dostları Knut Haugland, Bengt Danielsson, Erik Hesselberq, Torstein Raaby və Herman Vatzinger ilə birlikdə elm adına qeyri-adi bir fədakarlıq göstərərək, balsa ağaclarından düzəlmiş sal üzərində cənubi Amerika sahillərindən Polineziya adalarına üzmüşlər. "Kon-Tiki" adlandırılan bu salın üzərində, açıq okeanda 101 günlük təhlükəli səyahətə onları vadar edən səbəb, Sakit okeanın dərinliklərində yerləşən Polineziya adalarında ispan konkistadorları tərəfindən çəkilmiş ink qəbiləsinə məxsus sal rəsmləri, arxeolji dəlillər və bir çox yazılı mənbələr olmuşdu. 1947-ci ilin 7 avqustunda Peru sahillərindən ayrılan "Kon-Tiki" 8000 km məsafə keçərək Tuamotu adasının sahillərinə varmağı bacarmışdı. Çoxları Peru əfsanəsinin qəhrəmanı Kon-Tikinin adını daşıyan bu ibtidai salın Sakit okeanın o tayındakı Polineziya adalarına çatmadan yolda batacağını güman edirdi. Lakin Heyerdal ibtidai insanların okean cərəyanlarından istifadə etməklə həmin məsafəni qət etdiyinə və öz heyətinin də bunun öhdəsindən gələcəyinə inanırdı.
Tur Heyerdalin "Kon-Tiki" kitabı dünyanın 70 dilində dərc olunub, Azərbaycan dilində ilk dəfə dərc olunmaqdadır. Bu kitabdan əvvəl Azərbaycan dilində Tur Heyerdalın "Adəmin izləri ilə" kitabı "Azerbaijan İnternational" jurnalının dəstəyi ilə 2011-ci ildə Bakıda dərc edilmişdir.
