You can find Mavi Qatarın Sirri books, Mavi Qatarın Sirri quotes and quotes, Mavi Qatarın Sirri authors, Mavi Qatarın Sirri reviews and reviews on 1000Kitap.
Aqata sevgim bu kitabla başladı. Hadisələrin cərəyanı adamı elə sürükləyirdi ki, cinayəti kimin etdiyini anlamaq olmurdu. Hər səhifədə fərqli düşüncələrə girib cinayətkarı təxmin etməyə çalışırdım. Amma Aqata təəccübləndirməyi başardı. Və digər kitablarını oxuduqca anladım ki, Aqatanın bütün kitabları insanı bezdirmədən, hər daim düşünməyə vadar edəcək məntiqlə yazılmışdır. Dedektif janrlı əsərlər oxumağı sevirsinizsə, məncə, Aqata bir nömrədir. Ən azından mənim üçün)
Mən xarici ədəbiyyata ümumiyyətlə kitab oxumağa bu əsər sayəsində başlamışam. Bəlkə də oxuduğum ilk kitab bu olduğuna görə Aqata Kristi yaradıcılığı və onun əsərləri mənim üçün həmişə əvəzolunmazdır. Xüsusilə də Kristinin təxəyyülünün məhsulu olan məşhur xəfiyyə Erkül Puaro...Puaronun qeyri-adi tərzi, davranışları, təmkini onu digər xəfiyyələrdən fərqləndirən ən önəmli xüsusiyyətlərdir mənim nəzərimdə.
Mavi qatarın sirri əsərində adından məlum olduğu kimi mavi rəngli bir qatarda qətl baş verir. Məşhur qızıl alverçisinin qızı Ruf öldürülür. Bu hadisəni məhz Erkül Puaro araşdırmağa başlayır. Puaro iti zəkası ilə qatilin kim olduğunu və qətlin səbəbini üzə çıxarır.
Bir sözlə əsəri oxuduqda təəccüblənməmək əldə deyil. Detektiv əsərlərində kiçik xırdalıqlar belə böyük bir önəm daşıyır deyə tam ətraflı yazmaq istəmədim. Aqata Kristi oxucularından biri olaraq oxumayanlar varsa oxumağı tövsiyə edərdim. Detektiv janrını sevənlər üçün Aqata Kristinin əsərləri qiymətli bir xəzinədir. Və Aqata Kristi həm qəlbimin, həm də detektiv janrının kraliçasıdır...
Yeni başlayanlar üçün tövsiyə edə biləcəyim kitabdır. Yormur, axıcıdır və oxucunu sonluq haqqında düşündürür. Bir kitabın oxunması üçün bunlardan başqa nə olmalıdır?