Təqribən bir il öncə bir şəkil çıxmışdı qarşıma. Hansısa bir kitabdan, rusca bir hissə idi. Maraqlı gəldiyi üçün tərcümə etdirmişdim və ilk anda o qədər xoş təəssürat yaratmışdı ki...
Əlimə keçəcəyi ilk fürsətdə oxumağı qərarlaşdırırdım. Və həqiqətən də oxudum, nə yaxşı ki, oxudum
Kitabın hər bir səhifəsində özəl və gözəl bir şeylər tapa bilərsiniz. Hər cümlə özündə o qədər dərin məna ehtiva edir ki. Oxumağın verdiyi zövq də bir başqa idi.
Ümumi mövzu ilə bağlı deyə bilərəm ki, əsər qızını itirmiş bir atanın ona yazdığı məktublardan ibarətdir. Məktublarda diqqətimi ən çox çəkən və məni özünə heyran edən məqam, hər məktubun sonundakı o cümlə idi - "Sənin üçün darıxıram. Atan". Hər dəfə, təkrarən oxuduqca bu cümlənin yaratdığı təsir və qəlbə xitab forması məni məndən aldı, qısacası. Kitab, tək sözlə, möhtəşəmdir.
Oxumağınızı israrla tövsiyə edirəm. Oxumasanız, bu duyğuları yaşamaqdan məhrum qala bilərsiniz. Və əmin olun ki, bunu yaşamağı heç istəməzsiniz.
Daha gözəl kitablarda görüşmək ümidilə. Kitabla qalın
