Nûbihar Dergisi - Sayı 161
Nubihar DergisiEn Eski Nûbihar Dergisi - Sayı 161 Sözleri ve Alıntıları
En Eski Nûbihar Dergisi - Sayı 161 sözleri ve alıntılarını, en eski Nûbihar Dergisi - Sayı 161 kitap alıntılarını, etkileyici sözleri 1000Kitap'ta bulabilirsiniz.Kewgirîn • Elîxan Loran
Ji bo êvarên ji nişka ve
Ho birazê, tu berazê kîjan bûrazê bûyî
di êvareke Nebî Silêman de, ji rûyê Silêmaneke dunikil
bi poşmanîyeke nehs a ku kes jê nake behs
hatîyî li baçemêlkeke xwerûçikandî qesidîyî?
Nefskorî • Elîxan Loran
Ji bo hemû aravan
Gurêxên wextekê boncîk vedigerin gundên bê bagurdan
Cirma stûyê wan bêminetî, şûndîyarîyek e li guherên bê pez
Ewtînîyeke virnî ye, korma ji qoqê guran
Ziravê çendîn delavan qetand, kir çirav
Çendîn zixur bizdand, kir axur
Awir; arê bin xwelîyê
Heft xwezî bi şimşatîya mastê neşikênandî
Ji nêz ve qatil, ji dûr ve cahil
Danavî dikim, teyrokên toz û tebar, gend û gemaran
Bi toqa lanetê, ya ku êdî kevirê qawetê
Diricimînim vê sêr û stewrîyê, kordûndetîyê
Li ser modika qertelên bertîlnexwêr û bilindfir
Dewsa nikulên xwar ên qijikên hêknekir û bertîlxwêr
Bazareke henûn e ev, ya ku qira êl û olan tîne
Huşbûna wê nayê zarîkirin
Peng • Elîxan Loran
Ji bo hemû eglekirinan
Dibişkuvin keser
Qilêrên sebr û deyaxê dibin tert û tên xwarê
Li ser enîya min
Xwêdana henûnî û zenûnîya hezkirinekê
Ron, ron, ronî
Li me diariya xewa stranên takekesî
Û îskeîskên me yên çil û çar esrînî ye bîska din
Dizîka diêşim, kes bi xulqê asîmanan nizane
Qira qirdê me tîne, şop û aşop her tenêtî ye
Belam zane û kane ye, banû û bane ye
Kevan kevaniyên vegotinê
(Veder, derbikdêr û destêwer e
Heke simbil li ber bê bireqisin, dadixwe ji vegotinê)
Xwedê hêlîna teyrê kor hildiweşand
Di biharên kamilbûyî de ligel hewiya daran
Evîn azîneya herî zînde
Tu yê hîn bikî teyro, koro!
Devê min no, diranên min ko
Tu û êş litûfên Xwedê ne, pelê te vê yekê li xwe danaynin
Li beriyê deşîfre bûye gerîllayeke ziravstûr
Dê bişibe dilê me, li ku razê dê li wir bizê
Dûre fermana hestûyê me radibe
Çûyîn jî ditewe bi fer-manê re
Dilê min zebeşê kêrê
-ev jî kurdbesqûe ye; alima zilmê, zalim!-
Elîxan Loran
Carcîma Dayê • Emerîkê Sidiqayê
Deng li xwe dikim;
Peyayo, tu li vê cîhanê çi digerî!
Stêrk diweşin çenga ciya min,
Lêvên hîvê radimûsim,
Sewta lorîkan...
Haş dibim, kerr dibim,
Tepekî li peleguha stêrkan dixim.
Xîtikkirinên min, navika min...
Kenê te li rûyê min cihêzê neqişandî ye.
Fîtefîta çivîkan, nanê cûco...
Bîna kersimê, to yê li ser nanê tisî...
Li berwarê bajêrê bêwar wer bûm!
Dicemidim, carcîma te li ser xewnên min!
Demjimêr • Emerîkê Sidiqayê
Dîmenek im li ser rûyê dîwarekî ji kevir î kevnar
Bi we ra wisa rû bi rû mayî,
Çavan diqirpînim,
Li ber deriyê perîstegehekî selebendekî seqî me,
Xetên min pencên şems dipîvin,
Di zendekî da qeyd û bend im,
Li ser dilê kalekî tîreke zincîrkirî me,
Ji xwe ra dizîvirim vê lehzê vê payîzê!