Pişti Tu Çuyi
Hemîd DilbiharPişti Tu Çuyi Posts
You can find Pişti Tu Çuyi books, Pişti Tu Çuyi quotes and quotes, Pişti Tu Çuyi authors, Pişti Tu Çuyi reviews and reviews on 1000Kitap.
Ez baş dizanim,
Mirin gelek ditirse ji min
Lê dîsa ji ez qet naxwazim rûyê wê bibînim!..
I
Mirinê xwe li qirika min da
Ez bê nefes hiştim bêdem û wext
Min li ber xwe da dîsa
Ji evîna te hişyar bûmn ez;
û
Ketim rêvingiya jînê!..
Hişyar bûm ji evîina te
Ji xewa mirinê ya hezar salan
û
Hilma jînê xwe berda
Nava dilê min
Nizanim
Ev bajar
Bo çi evqas bêbext bûye?!..
Ez bûm rêvingekî hez û evînê
Ji evîna te,
Ketim ser kolanên bajarekî dilhetikî
Bajarekî rûreş û bêbext
çend şevên bêstêrk
û
çend rojên bêronahî
Ji ber nalînên min naliyan
Ji ber qêrînên min qîriyan!..
Ez bûm robareke dîn û har
Herikîm bi şev û rojan
Bi qêrîn û hewar
Pêêêêl bi pêl
Bi leeeez û bez,
Gelî û newal bûn rêhevalên min
Ewrên gerok dost û hogirên min,
Min xwe li dil û hinavên çiyan da,
Lat û zinaran bejna xwe tewand
Li ber her pêleke min;
Rê û rêbar bi min geş bûn
Derya bi min serxweş
Ey sozdara min
A ji min re dibeje
`Bimeeeş û bimeş!..`