Alen Delon deyir: "Əsl xoşbəxtlik deyilən bir şey yoxdur, xoşbəxt anlar, məqamlar var. Amma mən yenə də hamiya bunu arzulayıram, xoşbəxt olun, bu çox nadir bi şeydir - "xoşbəxt olmaq"..
Salam dostlar. Ümid edirəm ki, bayram tətilinizin dadını çıxara bilirsiniz. Təhsil məzuniyyətimin yavaş yavaş sona yaxınlaşdığı vaxtda mən də bol bol gəzməyə və kitab oxumağa çalışıram.
Bu səfərki dayanacağım Azərbaycan ədəbiyyatının yeni, müasir və gənc xanım yazarı Aytən Cavanşirin Pərdələri Çəkin kitabı oldu. Artıq 3-cü kitabını oxuduğum yazarın qələmini sevirəm.
Pərdələri Çəkin kitabı mini ensiklopediya formasında yazılmışdı. Seçilmiş film və musiqi sənətkarlarının həyatını qələmə alan yazarın bu kitabı ərsəyə gətirmək üçün əməlli başlı araşdırma apardığına şübhəm yoxdur. Desəm ki, xarici film və musiqi aləminə çox da bələd deyiləm amma kitabı maraqla oxudum. Əgər sizin üçün də hansısa aktyor və ya aktrisanın həyatında baş verən ən maraqlı hadisələri öyrənmək maraqlıdırsa, oxumağa dəyər kitabdır.
