Qanadsız Mələk
Aysel ŞıxlinskayaQanadsız Mələk Sözleri ve Alıntıları
Qanadsız Mələk sözleri ve alıntılarını, Qanadsız Mələk kitap alıntılarını, Qanadsız Mələk en etkileyici cümleleri ve paragragları 1000Kitap'ta bulabilirsiniz.Özüm üçün yaratdığım "güclü qız" obrazının əlimdən, üzümdən axıb getdiyini hiss edirdim. Heç oynaya bilmirdim o obrazı son zamanlar. Beynim də, bədənim də başqa yerə meyil edir, başqa insan olmaq istəyirdi. Bəlkə, daha sərt, daha bivec, daha cəsur.. Bəlkə, daha güclü... Daha və daha... Öz qurduğum dünyamda məğlub olurdum. Heç bu qədər zəif olmamışdım. İçimdəki sıxıntının səbəbini özümə belə etiraf edə bilməyəcək qədər zəif.
Sayfa 64Kitabı okudu
Ancaq yenə də bir sözü ilə durardı zaman, məsələn...
Bir sözü ilə durardı zaman. Bir şirin-şirin gülümsəməsi ilə gülərdi gözlərim...
Bir sözü ilə dönərdim "düzlərim"dən...
Yeni bir "düz" olardım...
Bir sözü ilə unudardım ondan öncəni...
Bir sözü ilə unudardım izləri, adları...
Bir sözü ilə həyat daha rəngli gələrdi gözümə. Bəlkə, pəncərələrim belə dəyişərdi...
Bir sözü ilə daha müdrik olardım, daha ağır, daha səssiz...
Mən olardım...
Bir sözü ilə yemək bişirməyi öyrənərdim. Şüşə silməyi, paltar ütüləməyi, toz almağı, səhərlər çay yerinə bir fincan qəhvə dəmləməyi... Daha dəqiq olardım, daha səliqəli, əməllərim daha səliqəli... Hiss etdiklərim daha səliqəli...
Sayfa 78 - Teas PressKitabı okudu
Ulduz olma!
-Görəsən, orda, uzaqlarda xoşbəxt olacam?
-Uzaqlarda həmişə hamı xoşbəxt görünür. Sonra sən gedib o "uzaqlar"a çatırsan və görürsən ki, sən demə, qeyri-adi heç nə yox imiş.
-İndi nə deyirsən? Yalnız əlimizin çatmadığı yerlər gözəl olur?
-Xəyalı gözəl olur, hə. Sonra adiləşir. Məsələn, ulduzlara əlimiz çatmır, ona görə onlar gözəldir. Heç ulduzun gözəl və maraqlı olmadığını düşünən adam görmüsən?
-Yox...
-Çünkü əlçatmazdılar..
Sayfa 207 - Teas PressKitabı okudu
Ayxan..
Axı mən yaşamaq istəyirəm. Normal yaşamaq. Hamı kimi yaşamaq. İynələrsiz...Bir qadını dəli kimi sevmək istəyirəm. Mən axı çox az sevmişəm. Sevgiyə gecikmişəm, deyəsən. İndi əvvəlki kimi hər xırda şeyə fikir də verə bilmirəm. Daha ciddi qayğılarım var. "Bir günüm daha uçdu" qayğıları...
Sayfa 343 - Teas PressKitabı okudu
-Sən, doğrudan, görmürsən?
-Nəyi?
-Sənə necə dəyər verdiyimi...
Sayfa 77 - Teas PressKitabı okudu
Bağlı qapıları döymürdüm artıq..
Hisslərimdən danışmaq haqda düşünmürdüm. Çünkü onu itirməyi gözə almaq istəmirdim. Mənə başqa gözlə baxa bilmirdi... Hər gün görə-görə onu ürəyimdən çıxaracaqdım. Çıxmasaydı ürəyimi çıxaracaqdım. Bağlı qapıları döymürdüm artıq...
Sayfa 341 - Teas PressKitabı okudu
Bəzən onun üzünə deyə bilmədiklərimi "bəlkə, oxuyub anlayar" deyə paylaşardım. Ancaq anlayanlar yaxud anlamaq istəyənlər arasında onun adına rast gəlmək gündən-günə daha imkansız olurdu.
Sayfa 80 - Teas PressKitabı okudu
Murad♡
-Hissləri niyə idarə edəsən ki? Hiss onu yaşamaq üçündür, hiss etmək üçün. Bu hisslər sənindi. İçində, ürəyində, bütünlüklə bədənindədi. Onu idarə etmək olmaz. Yalnız hiss etmək olar. Düz də olsa, səhv də olsa, onu yaşamaq lazımdı. O yolu keçmək lazımdı. Sən birinə qarşı bir şey hiss edəndə o adamı özün seçirsən? Yox...Bəs zamanını necə? Özün seçirsən? O da yox...Ona görə onu idarə etməyə, ona yol göstərməyə, qaydalar qoymağa, yaxud ağlından çıxarmağa çalışma. Gəlibsə ürəyinə, öz vaxtı dolmamış onsuz ordan çıxan deyil. Sən, sadəcə, həyatını çətinləşdirəcəksən. Zamana burax. Zaman özü o hisslərin yerini müəyyən edəcək.
Sayfa 108 - Teas PressKitabı okudu
-Bir yerdən sonra təklik artıq seçim olmur, ehtiyaca çevrilir.
-Səndə indi ehtiyacdı?
-Deyəsən, hə...
Sayfa 47 - Teas PressKitabı okudu
- Nə deyim, qara qız? Əvvəl daha dolu idin sanki. Necə deyim... Daha həyat dolu, daha hay-küylü, Enerjin daha çox idi sanki...
- Hayat...
-Nə həyat?
- Həyat sakitləşdirir adamı,-
Sayfa 6Kitabı okudu