Qurani Kərimin Azərbaycan Dilinə Mənaca Tərcüməsi Sözleri ve Alıntıları
Qurani Kərimin Azərbaycan Dilinə Mənaca Tərcüməsi sözleri ve alıntılarını, Qurani Kərimin Azərbaycan Dilinə Mənaca Tərcüməsi kitap alıntılarını, Qurani Kərimin Azərbaycan Dilinə Mənaca Tərcüməsi en etkileyici cümleleri ve paragragları 1000Kitap'ta bulabilirsiniz.
95.Şübhəsiz ki toxumu da, çəyirdəyi də cücərdib çatladan, ölüdən diri diridən ölü çıxardan (ölü yumurtadan diri toyuq,diri toyuqdan ölü yumurta yaradan) Allahdır.Budur Allah! Axı siz Ondan (haqq olan Allahdan) nə cür döndərilərsiniz?
140. Əgər siz (Uhud müharibəsində) yara aldınızsa ,o biri (kafir) dəstə də (Bədr müharibəsində) o cür yara aldı. Biz bu günləri (bu hadisələri) insanlar arasında növbə ilə dəyişdiririk ki, Allah iman gətirənləri bəlli etsin və içərinizdən şəhidlər (şahidlər) seçsin Allah zülmkarları sevməz.
104. Onlara:"Allahın nazil etdiyinə və Peyğəmbərə tərəf gəlin!"-deyildiyi zaman:"Atalarımızın getdiyi yol bizə yetər",-deyə cavab verirlər. Bəs ataları heç bir şey bilməyib doğru yolda deyildilərsə necə?!
116. (Ya Rəsulum!) Xatırla ki, o zaman (qiyamət günü) Allah belə buyuracaq: "Ya Məryəm oğlu İsa! Sənmi insanlara: "Allahla yanaşı, məni və anamı da özünüzə tanrı bilin!" - demişdin? (İsa cavabında) deyəcək: "Sən paksan (müqəddəssən)! Haqqım çatmayan bir şeyi demək mənə yaraşmaz. Əgər bunu mən demiş olsaydım, Sən onu mütləq bilərdin. Sən mənim ürəyimdə olan hər şeyi bilirsən, mən isə Sənin zatında olanı bilmirəm. Şübhəsiz ki, qeybleri bilən ancaq Sənsən!