Salam, öncəliklə onu qeyd edim ki, Aminə Sədrin adını tez-tez eşidirdim, lakin kitablarını mütaliə üçün həvəsim olmurdu. Hazırda Mütaliəsini edib bitirdiyim kitabın dizaynı isə məndə maraq oyatmırdı, bildiyim şeylərin təkrarı olacaq bir kitabdır deyə düşünür, bir növ daha az yaş kateqoriyasına xitab edən kitab olduğu gümanındaydım. Dünən gecə mütaliəsində fərqlilik istədim, bu əsnada gözümə bacımın kitab rəfindəki "Tanrını axtaran qız" romanı dəydi. Onsuzda 96 səhifədir nə itirəcəyəm ki deyib kitabı əlimə aldım. İlk başda müəllifin həyat hekayəsi və personalların qeyri adi adları məndə müsbət təəssüratoyatdı, mütaliəyə davam etdikdə isə hekayə sanki öz daxilinə aldı məni. Hədsiz zövq və məmnuniyyətlə mütaliə etdim.
Kitabın Mövzusuna gəldikdə isə adından da məlum olduğu kimi Tanrının sübutu, dinin zərurətinin ön planda olduğu epistolyar roman üslubundadır. Lakin fərq bundan ibarətdir ki, bu dəlillər daha çox islam mənbələri ilə deyil də müasir tendensiyalarla, avropa alimlərinin fikirləri ilə ifadə edilir. Hər dəfə fikrin sonunda isə fərdi qane edəcəyini düşündüyü kitab ismi verir. Yazarın tez-tez haşiyədən kənara çıxması isə mütaliə edən şəxsin yorulmasının qarşısını alır. İnformasiyanı çatdırmaq üçün seçilən obrazlar isə xoş əxlaqı, zərif ruhu və davranışları ilə xüsusi ilə seçilir. Bununla da birdaha islamın necə gözəl bir din olduğunu əyani formada sübut edir.
Xülasə, mən kitabı çox bəyəndim və 10 ballıq şkaladan 10 bal ilə qiymətləndirdim.
Oxuyacaq olan hər kəsə Xoş Mütaliələr diləyirəm!:)