Topal Teymur

Hüseyn Cavid

Yüksek Puanlı Topal Teymur Yorumları ve İncelemeleri

Yüksek Puanlı Topal Teymur sözleri ve alıntılarını, yüksek puanlı Topal Teymur kitap alıntılarını, etkileyici sözleri 1000Kitap'ta bulabilirsiniz.

Puan

8.910 üzerinden
20 Kişi · 2 İnceleme
104 syf.
10/10 puan verdi
·
Beğendi
·
6 saatte okudu
•Hüseyn Cavid yaradıcılığından növbəti əsər..Şairin 1925-ci ildə yazmış olduğu "Topal Teymur" əsəri 5 pərdədən ibarətdir. Cavid müharibəyə, ədalətsizliyə olan kəskin baxışını bu əsərində diqqətə çatdırıb. Müharibəyə nifrət edən yazıçının əsərinin ideyası kimi də elə məhz müharibəyə bəslənən nifrəti göstərə bilərik... •Xüsusi olaraq qeyd etmək istərdim ki, müharibəyə olan kəskin baxışını diqqətə çatdıran yazıçı ilə əsərdəki Şair Kirman obrazı arasında yaxınlıq hiss etdim. Çünki əsərdə Kirman Teymurdan qorxmur və həqiqətləri açıq şəkildə Teymurun üzünə vurur. Yazıçımızın da əsərindən göründüyü kimi belə cəsarətli olduğuna şübhə yoxdur. Əsərdə həm də qardaş xalqların müharibəsi öz əksini tapıb.. •"Peyğəmbər"də olduğu kimi "Topal Teymur"da da Cavid tarixi şəxsiyyət və tarixdən alınmış hadisələrə toxunub. Ortaq cəhət kimi onu da qeyd edə bilərəm ki, Cavid "Peyğəmbər"də Məhəmməd Peyğəmbəri, "Topal Teymur"da isə Teymuru ideallaşdırdığı üçün günahlandırılmışdı.. •Tarixi hadisələri, Tarix fənnini çox sevdiyim üçün əsər çox axıcı gəldi mənə..♡ Hüseyn Cavid bu gözəl əsərini, belə gözəl cümlələrlə yekunlaşdırıb: "Əgər dünyanın zərrə qadar dəyəri olsaydı, Yığın-yığın insanlara ucu-bucağı yoq məmləkətlərə..sənin kibi bir kor bənim kimi bir topal müsəllət olmazdı!"
Topal Teymur
Topal TeymurHüseyn Cavid · Elm Nəşriyyatı · 201081 okunma
104 syf.
9/10 puan verdi
·
Beğendi
·
7 saatte okudu
Topal Teymur və İldırım Bəyazid arasında gedən mübarizə, həmin dövrün tarixi hadisələri Hüseyn Cavid qələmindən süzülərək "Topal Teymur" dramında öz əksini tapmışdır. Əsər həm tarixin bədii əksi, həm də baş vermiş hadisələrə, tarixi səhvlərə müəllif münasibəti baxımından, xüsusilə, dəyərlidir. Obrazları təhlil etmiş olsam, şair obrazı məndə xüsusi maraq və sevgi doğurdu. Əsərdəki şair, sanki, müəllifin özüdür, onun baş verən hadisələrə münasibətini əks etdirir, qardaş qanı tökülməsini qəti şəkildə qınayır. Həmçinin müəllif ədaləti, xalqın xoş güzəran sürməsinin təmin olunmasını dövləti idarə edən şəxslərin qarşısında bir vəzifə kimi qoyur. Əsərin sonluğu, şair arzusu isə bütün dövrlər, bütün dövlətlər üçün aktualdır. Dünyanın qana boyandığı, siyasət, hakimiyyət naminə insanların insan qanı içdiyi bir zamanda bu cümlələr insanı öz kimliyini düşünməyə vadar edir: " Məhəbbət! Məhəbbət!...Əvət bütün bəşəriyyəti xilas edəcək yalnız məhəbbətdir. Məhəbbətlə çırpınan bir çoban qəlbi, kin və ədavət püskürən bir sultan qafasından daha şərəflidir. Əgər dünyanın şanlı çarpışmaları, qanlı vuruşmaları nəticədə bir məhəbbət, fövqəlbəşər bir məhəbbət doğurmayacaqsa... bütün həyata, kainata nifrətlər olsun". Məhz bu cümlələr "Mənim tanrım gözəllikdir, sevgidir!" deyən Hüseyn Cavidə vurğunluğumu daha da artırdı.♡
Topal Teymur
Topal TeymurHüseyn Cavid · Elm Nəşriyyatı · 201081 okunma