g
Gazel
1 memberNedir bu nâz-ı tegafül zaman zaman güzelim
Kaçıncıdır bu eziyetli imtihan güzelim.
Sayfa 271 - İletişim YayınlarıKitabı okudu
Bir sən kimi vəfasız olan yarə neyləyim,
Canan ki verdi könlünü əğyarə, neyləyim?!
Bülbül təki yolunda sənin mübtəla mənəm,
Bir gül ki həmdəm ola xarə, neyləyim?!
Eşqində daima bu bəlalər çəkən könül
İndisə tapmayır özünə çarə, neyləyim?!
Eşq atəşinə yanmışam, imdadə gəlmədin,
Pərvanə vurmasın özünü narə, neyləyim?!
Məcnun edən məni yarın cəmalıdır,
Eşq aləmində oldu günüm qarə, neyləyim?!
Vahid, məhəbbətin bu qədər ki, bəlası var,
Yoxdur deyən dərdimi dildarə, neyləyim?!
Sayfa 159
Səninlə mən, gözəlim, aşinalıq eyləmişəm,
Səni vəfalı bilib, canfədalıq eyləmişəm.
Rəqibə həmdəm olub, salmısan məni gözdən,
Haçankı gün sənə mən bivəfalıq eylemişəm?
Səninlə yar olalı bir zaman üzüm gülməz
Ki, bilmirəm sənə nə biədalıq eyləmişəm?
Cəfanı tərk elə, məhparələr cəfa eləməz,
Nə müddət idi qapında gədalıq eyləmişəm.
Günüm qaraldı səri-zülfünün xəyalından,
Təəccübəm, sənə nə üzqəralıq eyləmişəm?
Kəsib ümidimi, Vahid, mən öz nigarımdan,
Səfalı eyşimi axır fənalıq eyləmişəm.
Sayfa 141
Könlüm quşu, ey gül, səni şamü səhər istər,
Bülbül necə gülşəndə gülü tazə-tər istər.
Aşüftə qılıb könlümü zülfün kimi, getdin,
Məşuqə məgər aşiqini xuni-cigər istər?
Dur mahə bərabər, götür ol zülfünü üzdən,
Rüxsarımı görməkliyi şəmsü qəmər istər.
Ver izn, doyunca öpüm, ol ləli-ləbindən,
Könlüm quşu tuti kimi şəbdü şəkər istər.
Eşq atəşinə dözmədi Məcnun da mənimtək,
Bu mǝrǝkeyi-eşq, həqiqət, hünər istər!
Uymazdım onun eşqinə, bilsəydim əzəldən,
Biganələri məndən o gül bixəbər istər.
Gözlə, bu gözəl şerləri, Vahid, itirmə,
Səndən gələcək nəsl gözəl bir əsər istər.
Sayfa 263
Ruhumda yar üçün yеnə sеvda cəlalı var,
Hüsnündə gör onun nеcə Yusif cəmalı var!
Açmışdı qol-qanad yеnə şəhbazı təb’imin,
Еşqin fəzası övcünə uçmaq xəyalı var.
Yəqub kimi kor oldu gözüm ağlamaqla, ah,
Çün Yusifin fəraqı ucundan məlalı var.
Ay üzlü yarımın qədi bir sərvdir səhi,
Üzdə günəş, qaşında gözəl cüt hilalı var.
Səhvən qədinə sərv dеdim, sərv bağlıdır,
Yaqut ləblərində onun mеy xisalı var.
Almış xumar gözləri səbrü qərarımı,
Еtmiş şikar könlümü, qətl еhtimalı var.
Qəddim əyildi ol sənəmin əyri zülfütək,
Qəlbim əsiri oldu o zülfün, zəvalı var.
Zahid! Nəsihətin bizə lazım dеyil, burax,
Yarın dodaqlarında da Kövsər zülalı var.
Gülçinə yar vəsli bеhiştdən də yaxşıdır,
Çox söyləmə ki, orda pərilər vüsalı var.
Sayfa 114
