Gül Şiir
3 member · 3 new postYüz bu qədər
Görsə eşqində ürək dərdü-kədər yüz bu qədər
Yenə səndən qəmü-möhnət diləyər yüz bu qədər.
Gözlərimdən o qədər sel ki gedir şamü səhər,
Belə getsə olacaq bəhri-Xəzər yüz bu qədər.
Sevgilim, aşiqinə azca vəfa eyləyəsən,
Göstərər şövq ilə eşqində hünər yüz bu qədər.
Mən çatan mərtəbəyə eşq yolunda Məcnun
Çata bilməz, çalışıb töksə də tər, yüz bu qədər.
Mənə dün verdi bəla zəhrini dildar, içdim,
Yenə nuş eylǝyǝrǝm versə əgər, yüz bu qədər.
Xar ilə görsəm əgər mən səni, ey gül, bir də,
Atəşimdən çıxacaq ərşə şǝrǝr yüz bu qədər.
Fəhmi, istərsən əgər şair olub ad qoyasan,
Cəhd elə ki ola şerində kəsər yüz bu qə
Sayfa 98 - Parlaq imzalarKitabı okudu
Şeir qadın, Şair adam
Mən kobud adamam, sən zərif çiçək,
Nə könül oxşaram, nə naz çəkərəm.
Gör bir aramızda necə təzad var,
Sənin baharına ayaz çəkərəm.
Ay mənim dünyamı bəzəyən çiçək,
Bağbanın xamıyam, güllərə yadam.
Bizim aramızda bircə yaxınlıq,
Sən şeir qadınsan, mən şair adam.
Mən başı bəlalı, dəli adamam,
Sənsən bu ruhumun yubandığı yer.
Deyirlər, xəyalın məkanı olmur,
Sənsən arzuların dayandığı yer.
Sayfa 51 - AlatoranKitabı okuyor
Könlünə baxıb gözlərinin pəncərəsindən
Məndən utanan sirləri gizlincə biləydim.
Sayfa 69 - Parlaq imzalarKitabı okudu
Bəncə, dərdin ən yamanı
İtirmək dərd anlayanı!
Hər yetənə sordum hanı,
Göstər bir dərd anlayanı?!
Sayfa 179 - QanunKitabı okudu
Ey Kəbəm, Kərbəlam, Məkkəm, Mədinəm,
Bir zaman kuyində ziyarətimdir.
Qiblə deyib, qaşlarına baş əymək -
Gecə-gündüz mənim ibadətimdir.
Hər nə desəm, sən incimə sözümdən,
Sərxoşunam, yox xəbərim özümdən,
Şol qamətin yayınanda gözümdən,
Sanasan ki, həşrü qiyamətimdir.
Bağlamışam din-imanı zülfünə,
Mənim kimi heyran hanı zülfünə,
Tapşırıb gedirəm canı zülfünə,
Yaxşı saxla, səndə əmanətimdir.
Sənsən mənim ayım, günüm, hilalım,
Dövlətim, iqbalım, cahım, cəlalım,
Gözəl üzün daim fikrü xəyalım,
Sözün dildə şirin hekayətimdir.
Sonalar xəcildir siyah telindən,
Tutilər lal olur şirin dilindən,
Şikəstə Vaqifəm, sənin əlindən
Hər kimə ki, yetsəm, şikayətimdir.
Sayfa 81 - Kitab KlubuKitabı okudu
qurbanıyam mən
Bir fitnə tellinin, üzü xallının,
Bir şirin dillinin qurbanıyam mən.
Bir qənd məqallının, ləb zülallının,
Bir ağzı ballının qurbanıyam mən
Bir süsən muylunun, səmən boylunun,
Fəriştə xoylunun, mələk soylunun,
Bir cənnət kuylunun, tuba boylunun,
Bir şümşad qollunun qurbanıyam mən.
Bir gözü şərlinin, cəng nəzərlinin,
Zülfü ənbərlinin, müşk tərlinin,
Bir səmənbərlinin, zər kəmərlinin,
Bir incə bellinin qurbanıyam mən.
Bir çox ülfətlinin, məhəbbətlinin,
Bir mərhəmətlinin, şəfəqqətlinin,
Bir pəri tellinin, gün tələtlinin,
Bir məhcəmallının qurbanıyam mən.
Sayfa 57 - Kitab KlubuKitabı okudu