About
İlqar Əli-Abbas oğlu Paşayev. 1975-ci ildə anadan olub. Bakının Zirə kəndindəndir.1992-97-ci illərdə Bakı Dövlət Universitetinin hüquq fakültəsində təhsil alıb. 1995-ci ildən bədii yaradıcılığla məşğul olur. 3 kitabı dərc edilib, 2002-ci ildə “Axırıncı Qatar” pyesi Xalq artisti Cənnət Səlimova tərəfindən səhnələşdirilib, bir neçə ssenarisi ekranlaşdırılıb və şeirlərinə musiqilər bəstələnib. 2003-cü ildə Gənclər, İdman və Turizm nazirliyinin “İlin ən yaxşı gənc şairi” mükafatına, 2007-ci ildə “Rəsul Rza” ədəbi mükafatına layiq görülüb. Əsərləri müxtəlif xarici ölkələrdə nəşr edilib. Hal-hazırda Azərbaycan Yazıçılar Birliyinin (AYB) Tərcümə seksiyasının rəhbəri və Ulduz jurnalının şöbə müdiridir.
Title:
Yazar ve şair
Birth:
Bakü-Zire kenti, 18 August 1975
Readers
35 readers liked.
193 readers read.
6 readers are reading.
50 readers will read.
3 readers left half.
Quotes
Buz heykəl
Məni küsdürmək asandır, məni ağlatmaq asan,
Məni çaşdırmaq asandır, məni aldatmaq asan,
Məni ləngitmək asandır, məni saxlatmaq asan,
... Mənim olmaq nə çətin.
Məni buzlatmaq asandır, məni dondurmaq asan,
Məni laxlatmaq asandır, məni sındırmaq asan
Məni göstərmək asandır, mənə əl vurmaq asan.
... Mənə çatmaq nə çətin.
Mənə zülm etmək asandır, məni incitmək asan,
Məni alçaltmaq asandır, məni əskiltmək asan,
Məni tərk etmək asandır, məni tərgitmək asan,
... Məni sevmək nə çətin.
Sayfa 13 - Parlaq imzalarKitabı okudu
Məni Axtar
Məni axtar darıxanda,
Səni qəm-qüssə sıxanda,
Yorulub sərsəm həyatdan
Gözünün yaşı axanda.
Məni axtarma sevincǝk,
Qayğısız şənlik edəndə,
Gündə bir barda, kafedə
Sayfa 36 - Parlaq imzalarKitabı okudu
O qızın...
Saçları bir zülfi-pərişan idi,
Cümlə cahan zülfünə qurban idi
O qızın
İndi səliqəylə daranmış başını qar tutur,
Saçlarını sanki qara rəng uduzur, ağ udur.
Gözləri bir nərgizi-fǝttan idi,
Kirpiyi sanki iti peykan idi
Sayfa 30 - Parlaq imzalarKitabı okudu
Sənsizliyimin
Yenə də ərşə çıxıb naləsi sənsizliyimin,
Ağladır xəlqi yanıqlı səsi sənsizliyimin.
Görmərəm mən səni dursan da gəlib qarşımda,
Gözümü çünki tutub kölgəsi sənsizliyimin.
Məni sərxoş görübən, eyb eyləmə, ey dilbər,
Qəm meyiylə doldur süfrəsi sənsizliyimin.
Sanma fəryad edirəm, şurə gəlib dərd kamanı,
Qəlbim içrə çalınır nəğməsi sənsizliyimin.
Səni sənsiz yaşayan könlüm içində tapdım,
Ey vəfalım, bu imiş zirvəsi sənsizliyimin.
Qorxuram vəslinə meyl eyleyim, ey nazlı sənəm,
Mənə sənsiz görünür bitməsi sənsizliyimin.
Fəhmi sənsiz gecələr sübhə kimi şer yazır
Çünki sözlə doludur sinəsi sənsizliyimin.
Sayfa 65 - Parlaq imzalarKitabı okudu
Mən ki zülmət gecələrdə azıb itmiş kimiyəm,
Öz yanımdan da gözüm görməyib ötmüş kimiyəm.
Necə dərin yara vursan da, mənə ağrısı yox,
Yaramı özgə öpüşlərlə keyitmiş kimiyəm,
Demə, buzdur ürəyin, məndə ürəkdən yox əsər,
Onu bir isti xəyanətdə əritmiş kimiyəm.
Nəfəsimdə daha əvvəlki odu axtarma,
Baxma yanındayam, amma elə getmiş kimiyəm.
Əbədi musiqi yox, mən də sənin ömründə
Qəmli bir mahnı idim ki, daha bitmiş kimiyəm.
Olduğundan ki böyük zənn eləmişdim səni mən,
Ondan ötrü sənə dünyanı dar etmiş kimiyəm.
Söyləmə dərdini, Fəhmi, bilirəm hər şeyi mən,
Deməmişdən elə zənn eylə eşitmiş kimiyəm.
Sayfa 19 - Parlaq imzalarKitabı okudu
Updates
səhərdən axtarıb gəzirəm, amma,
heç yerdən ətrini ala bilmirəm.
mən sənin sevgini hara qoymuşam,
heç cürə yadıma sala bilmirəm.
🥀
İlqar Fəhmi
Başın üste Ay Yıldız, silkeledin cihanı,
Sen yetiştin imdada, dökülende Türk kanı!
İlqar Fəhmi
Seni anlamak Türklüğü anlamaktır Ulu Başbuğ, rahat uyu🖤
Darıxmağın gözəldi - baxır kiminçün..
Ürəkdə şimşəyin var - çaxır kiminçün?
Səfeh bir eşq ucundan - batıb gedirsən,
O inci göz yaşın, gör - axır kiminçün..
Səbrli ol, ayıbdı, - görüb deyərlər
Qəzəblənib dişini - sıxır kiminçün?
Günəş də aşiq olmuş - yəqin ki bir vaxt,
Görən batir kiminçün ? - Çıxır kiminçün?
Səmada bir mələk var - yaman nigaran..
Görən gözündə yaşla - baxır kiminçün..? 🌿
İlqar Fəhmi
Comments and Reviews
Hər vaxtınız xeyir, kitabsevərlər!
Bir şeir kitabını daha bitirdim. Zənnimcə yavaş-yavaş oxuma həvəsim geri qayıdır. Şeirlər ruhumu dincəldir.
Alıntı oxumağı sevdiyim üçün bəzi alıntılardan da kitablarla tanış oluram. Və alıntılardan tanış olduğum bu kitabla 
Ays sayəsində tanış oldum. Hətta şeirin birinə musiqi də bəstələnib. youtu.be/03XgjkPNhy8 Alıntı və mahnı mənə kitabı oxutdurdu desəm, yeridir. Təşəkkür edirəm Ays
İlqar Fəhmi qələmi ilə ilk dəfə tanış oldum. Kitabın ön söz hissəsindən bir, iki səhifə oxudum. Əsasən də 
Anar Rzayev 'in fikirləri mənə maraqlı gəldi. Sonra səbrim çatmadı. Birbaşa şeirlərə keçdim. Kitabın hər səhifəsinə hörmətlə yanaşıram ancaq, bəzən səbirsizliyim məni incidir.
Çox dərin mənalar var şeirlərində yazıçının. Ölümü sıx-sıx xatırlayır. Nakam məhəbbətin izləri var qələmində. "Gözəl sevmək" var. Eşqin yollarından keçməmiş biri bu qədər qəmli sətirlər düzə bilməz. Şeirin hər vəznindən xəbərdar olan yazıçı, adəta şeirlə bütünləşib. Bəzi sətirlərində özünütənqidə də yer verib. Tək bir nüansı sevmədim, demək olar ki, şeirlərinin yüzde səksənində Məcnun, Fərhad vurğusu var. Bu qədər təkrarlananda yorucu olur, mənim üçün. Bu tamamilə, mənim fikrimdir.
Yeni kitabda görüşmək diləyi ilə xoş mütaliələr diləyirəm.
