Gül Şiir
3 member
Gəl bir dəfə çay içək,
Hesabı mən verəcəm.
Biraz geciksən belə
Mən yenə gözləyəcəm.
Düzü çay xoşlamıram,
Sənə görə gəlmişəm.
Sən astaca içərsən
Mən səni izləyəcəm.
(Müəllifi bilən varsa yazsın) 🌿
Füzulinin "Su" qəsidəsinə bənzətmə
Suda qərq etsə də, ey dil, məni-naçarı yağış,
Söndürə bilmədi qəlbimdəki odları yağış.
Göydə səyyarələr ağlar bir bax bu su da
Yarı sayyarələrin göz yaşıdır, yarı yağış.
Soyuq ahım ki buludlu göyə getdi çatdı
Ol zamandandı tutub çölləri, gülzari yağış.
Necə ar eyləməyib busə o güldən dilədim
Yuyub üzdən aparıb yoxsa həya, arı
Sayfa 72 - Parlaq imzalarKitabı okudu
İncə
Vəfadarım mənim, ilk baharım mənim,
Eşqində görmüşəm səadətimi,
Məndən dönsən əgər, Ayım, Günəşim sönər,
Könül verdiyim, qoru məhəbbətimi.
© Südabə Şəfa
instagram.com/reel/C2xixhUNR3...✨
Qoymur ürəyim ki, çəkilə göz dodağından
Bəlkə, Çıxa bir kəlmə şirin söz dodağndan.
Mey içdiyin o boş qədəhi saqidən aldım
Bəlkə, o qədəhdə qala bir iz dodağından.
Kaş ki, Çıxa məndən, küləyə çevrilə ruhum
Axşam yanağından öpə, gündüz dodağından.
Süzgün baxışında "sevirəm"'sözünü gördüm,
Amma ürək istər eşidə öz dodağından.
Fəhmi, nə qədər solmayıb ol nazlı pərinin
Cəhd eylə təbəssüm çiçəyin üz dodağından.
Sayfa 73 - Parlaq imzalarKitabı okudu
Gecələr
Ağ duman tək yuxuna kaş ki, gələydim gecələr,
Qəmli ruhun haraları gəzdi, biləydim gecələr.
Hər səhər sübh nəsimiylə doğulmaqçün kaş,
Baş qoyub sinənə sakitcə öləydim gecələr.
Bölünüb min yerə, hər zərrəmi bir ulduz edib,
Başın üstündə səmaya düzüləydim gecələr.
Ağlayıb gündüzü biçarə buludtək sənsiz,
Baxaraq göz yaşıma sənlə, güləydim gecələr.
Sən qaranlıqda ayı seyr elədikcə, mən də,
Ruhuna ay işığıyla süzüləydim gecələr.
Baş daşım üstə dodaq izlərini öpmək üçün,
Allahımdan da xəbərsiz diriləydim gecələr.
Fəhminin qəlbində son arzu qalmış yalnız,
Ağ duman tək yuxuna kaş ki, gələydim gecələr.
Sayfa 56 - Parlaq imzalarKitabı okudu