"Ümumi ideyanı sizə göstərmək üçün,-deyə direktor bu gəzintinin məqsədini izah edirdi.Çünki,əlbəttə,adamlara nəsə bir ideya vermək lazımdır,-yəni,tələb olunan işi anlayaraq icra etmək üçün,-lakin minimum həddə.Əks halda onlardan cəmiyyət üçün faydalı və xoşbəxt üzv alınmaz.Axı,hamıya məlum olduğu kimi,ləyaqətli və xoşbəxt olmaq istəyirsənsə,ümumi nəticə çıxarmayacaqsan,sadəcə,məhdud təfərrüatlara üstünlük verəcəksən:ümumi ideyalar qaçılmaz intellektual bəladır.Cəmiyyətin onurğa sütununu filosoflar deyil,poçt markaları toplayanlar və taxta çərçivə hazırlayanlar təşkil edir."