Uzun müddətdir oxumaq istəyirdim bu kitabı, hətta bir dəfə başlayıb 1-2 səhifə sonra yarım qoymuşdum. Buna görə idi bəlkə də, kitabla bağlı çox şey gözləyirdim. Kitab maraqlıdı, oxutdurur özünü, sadəcə mən biraz fərqli düşünmüşdüm.
Mövzu olaraq; müsəlman olan Əli Bakı xanları nəslindən, xristian olan Nino isə Gürcü qızıdır və əsər onların sevgisindən, yaşadıqları çətinliklərdən bəhs edir. Hadisələr 1913-1920-ci illərdə baş verir, bu da Birinci Dünya Müharibəsi, Azərbaycan Xalq Cümhuriyyətini də əhatə edir.
Əli və Nino'nun iki fərqli dindən olması, bir-birindən fərqli adət-ənənələrə, düşüncə tərzlərinə sahib olmaları çox bariz hiss olunur oxuduqda. Hətta bəzi yerlərdə qadınlara qarşı olan düşüncələri oxuduqda itici gəlməyə başlayırdı o personaj mənə. Əlinin dostunun Ninoya qarşı etdiyi yanlış bir davranışdan sonra həyatlarındakı çətinliklər başlayır deyə bilərəm (spoiler verməmək üçün qurduğum qəribə bir cümlə oldu bu). Xoşbəxt olurlar, evlənirlər, amma müharibə dövründə nə qədər mümkündürsə artıq bu xoşbəxtlik. Əli yaşadığı yeri, vətənini çox sevən biri olduğu üçün heç vaxt atıb gedə bilmir hər şeyi, yəni müharibəni. Və təxmin edə biləcəyiniz son...
Oxunmasını tövsiyə edərəm mi?! Edə bilərəm, aralarındakı sevgi, bağlılıq çox safdı və o dönəmi məncə kifayət qədər yaxşı anlada bilib yazıçı.
Xoş mütaliələr :)