Beynimizin qidalanma yolu fərqinə varmaqdır. Fərqinə varmaq üçün, insan hər daim axtarışda və kəşf etməkdədir.
Hazırda insan oğlu yaradıcılığın fərqinə varıb. Məsələ budur ki, insan Tanrının yaratdıqlarının deyil, öz düzəltdiklərinin kəşfinə çıxıb.
Diqqət et, uşaqlığına diqqət et.
Oyuncaqlarını kəşf edərdin bir zamanlar, indi gerçək oyuncaqları, avtomobili, evi, işi, pulu kəşf edirsən.
Dəyişən nədir ? Yoxsa sən böyüməmisən ?
Daima axtarışdasan, amma nəyin ?
Bəlkə sən qurğulanmış robotsan ?
Sənin dərdin maraqdır, gördüyünü kəşf edib, çözüb sakitləşməkdən ibarətsən.
Bax indidə əlində bir telefon var, başını bununla daha asan qatırlar. Sən dünyanı kəşfə çıxırsan amma ayaq ilə deyil, telefon ilə.
Bilirsən, insan təbiəti kəşfə çıxmaq yerinə, hündür qutu evlərə doluşub, onu kənardan izləməyi seçib.