Əsər haqqında fikirlərimi bölüşmək mənə hal-hazırda çətin gəlir. Haqqında çox zaman eşitdiyim, "oxuyacam" deyib, amma hər dəfəsində təxirə salaraq oxumadığım, nəhayət oxuyub, dərindən təsirləndiyim əsər...
Anna Karenina əsərində "Din əhalinin vəhşi təbəqəsi üçün cilov kimi bir şeydir" cümləsinin altından xətt çəkmişdim. "Min Möhtəşəm Günəş" əsəri isə tamam əks fikirləri beynimdə oyatdı. Daha sonra anladım ki, din, inanc məsələlərini istəyən istədiyi formada insanlara yeridir. İtirən və ya qazanan kim, yaxud kimlər olur, heç bir fikrim yoxdur, lakin acı həqiqət- əsərdə də deyildiyi kimi, "şimalı göstərən kompas əqrəbi kimi, kişinin şəhadət barmağı həmişə qadını göstərir. Yadda saxla, qızım, günahkar həmişə qadın olur".