xarîta dinyayê veke li ber xwe
li hêla bakurîn binihêre
tê bibînî
bejekî
ku mîna nikulekî kêrr
serejêrî atlantîkê biye
serî,
ji derya qeşemê gewr
û dilê wê
ji bêriya rojê dixewire
a…
ha !
li wir e,
hêlîna tenyayiya dilê min.
Rojan Barnas-Rojbaş Roza
Rojbaş Roza
em,
ne masî ne, ne gul in, ne kulîlk
- bi çavek xwas
gava lê bê nihêrtin-
lê em jî
ji hêlîna xwe ya çande-civakî
ku dûrkevin
ji wan gelek
ne têveltir in.
Rojen Barnas
Rojbaş Roza
Rojbaş
beyanî be xêr
ez û tu
bi çivîk-firê
sê hezar kîlometre ji hevdû dûr
lê, bi giyanî
ji canê hev ji hev re nêziktir in.
Rojen Barnas
Rojbaş Roza
”rojbaş
beyanî be xêr
ez û tu
bi çivîk-firê
sê hezar kîlometre ji hevdû dûr
lê, bi giyanî
ji canê hev ji hev re nêziktir in.
Sayfa 190 - Nûbihar
