Biz çox vaxt özümüz də bilmədən taleyimizlə qumar oynayırıq.Ya uduruq, ya uduzuruq və bu zaman bizə uduzduqlarımızı təkrar geri qaytarmaq imkanı verilmir...
Bəzən həyatda belə olur.Keçmişdəki bütün pis şeyləri unudub yalnız gələcəyə baxaraq irəliləmək istəyirsən, birdən keçmişinin artıq unutduğunu zənn etdiyin bir parçası qabağına çıxır.Həm də qorxunc kabus şəklində.
Tanrı bizi hər an qarşımıza çıxan və geriyə dönüşü olmayan yeni həyat çığırlarının ən doğru olanına yönəltməyə çalışır.Biz isə bunu bəzən anlamır, bizi fəlakətə aparan yanlış cığıra düşürük.