Əliyeva Günay: "Oxuyur: Şəhla Həmidova": Oxuyur: Şəhla Həmidova Həsrətin araya atdı dağ, dərə, Sönən işıq oldun, batan səs oldun. Qayıt, mənim gülüm, qayıt bu yerə, Ey mənim istəyim, nə gəlməz oldun?! Ümidlər, arzular pərən-pərəndir, Qəlbə təsəllidir xatirələrim. Bir halımı soruş, könlümü dindir, Axşamlar yadıma düşür səhərim. Qayıt, mənim gülüm, yerbəyer elə, Dərdli səhərləri, gecələri sən. Çaşıb başqa yolla keçirəm elə, Düz öz qaydasınca küçələri sən. Qayıt, yerinə qoy Ayı, Günəşi — Yenə olduğu tək görüm həyatı. Qayıt, gözüm nuru, könlüm atəşi, Qayıt, səhmana sal bu kainatı. Müxtəlif ifalar dinləmişəm amma mənə elə gəllir ki, bu şeiri ən yaxşı Şəhla Həmidova hiss edib. Əli Kərim Metronun Yaylı Qapıları Nə Xoşbəxt İmişəm Bir Zaman, Allah! - 1000Kitap

Əliyeva Günay