Sən səhv edirsən, qızım, xoşbəxtlik yağış suyu deyil ki, damcı -damcı adamın başına tökülsün. Xoşbəxtliyə nail olmaq üçün əziyyət çəkmək, yorulmaq bilmədən işləmək lazımdır. Adam yalnız belə əməklə xoşbəxtliyini tapa bilər.
Dedektiv janrda yazılan bu kitab KGB-nin arxiv sənədləri əsasında yazılmış ilk belə Azərbaycan əsəri idi. Əsər ümumiyyətlə çox maraqlı və sadə bir dillə yazılmışdır. Əsər XX əsr Azərbaycandakı qanunun keşiyində dayanan mühafizə orqanın əməkdaşları ilə cinayətkarlar arasında mübarizədən bəhs edir. Əsərdə yalnız şərəfli peşəsini ləyaqətlə xidmət edən Polis əməkdaşları ilə yanaşı öz rifahlarını xalqın rifahından üstün tutan şərəfli peşəsinə xələl gətirən, səriştəsiz, rüşvətxor polis əməkdaşlarına da rast gəlmək mümkündür. Bunu da dövrümüz cəmiyyəti üçün çox böyük problemlərindən sayıldığı üçün əsərin sonu əziz oxucular üçün zənnimcə çox maraqlı olacaqdır. Bundan əlavə əsərin XX əsrdə gözəl Bakımızla tanış olmaq üçün bir nömrəli vasitə olduğu desəm yanılmaram deyə düşünürəm. Həmçinin burada ermənilərin Bakının ən gözəl yerlərində özlərinə məskən qurub, öz bazarlarının öz qəbristanlarını yaratmasına baxmayaraq öz çirkin xislətlərindən əl çəkmərək cinayətlər törətdiyini də qeyd etmədən keçə bilməyəcəm. Ümumiyyətlə çox maraqlı əsər olduğunu detektiv sevərlərin isə mütləq nəzər yetirmələrini şiddətlə tövsiyyə edirəm.
Qara VolqaCəmşid Əmirov · Qanun Nəşriyyatı · 1993257 okunma
Hadisələrin bir-biri ilə əlaqəsi, süjet xətti, obrazlar hamısı, bir sözlə, möhtəşəm idi. Cinayətkarların müəyyən edilməsi, istintaq prosesi ilə maraqlananlar mütləq oxusunlar. Demək ki, kobud sözlər, ya da yersiz səhnələr olmadan da maraqlı, dedektiv tərzində əsər yazmaq mümkün olurmuş:)
Sağlığında "Sahil əməliyyatı", "Brilyant məsələsi", "Qara Volqa", "Şəhər yatarkən" adlı cəmi dörd kitabı çap olunub və bu əsərləri ilə, o, milli ədəbiyyatımızda dedektiv üslubun yaradıcısı haqqını qazanıb. Bu kitabların içərisində ən çox axtarılanı, oxumağa köhnəlməyəni sirli oğru aləmindən, milisin oğrularla mübarizəsindən bəhs edən "Qara Volqa"dır. “Qara Volqa" romanı Azərbaycan detektiv ədəbiyyatının ilk və ən parlaq nümunələrindən biridir. Əslində bu əsər yazıçı Cəmşid Əmirovun bir müddət əvvəl yazdığı "Brilliant məsələsi" romanının davamıdır. Doğrudur, kitablarda baş verən hadisələr müxtəlifdir. Ancaq cinayətkar qruplara qarşı mübarizə aparan hüquq-mühafizə orqanlarının nümayəndələri, təxminən eyni adamlardır.
Onu da deyim ki, sovet dövründə bu kitab çapından az sonra qadağan olunub, kitabxanalardan, evlərdən yığışdırılıb. Guya kitab cinayətlərin, oğurluq hallarının artmasına təkan verirmiş. Nəhayət, müstəqillik dövründən sonra "Qara Volqa" yenidən kütləvi şəkildə oxucuların ixtiyarına verilib.
1994-cü ildə onun əsəri əsasında "Qara Volqa" filmi ekranlaşdırılıb. Filmin məsləhətçisi Cəmşid Əmirovun oğlu Çingiz Əmirov olub.
Qara VolqaCəmşid Əmirov · Qanun Nəşriyyatı · 1993257 okunma