Fikrət Qoca Sözleri ve Alıntıları
Fikrət Qoca sözleri ve alıntılarını, Fikrət Qoca kitap alıntılarını, Fikrət Qoca en etkileyici cümleleri ve paragragları 1000Kitap'ta bulabilirsiniz.ENƏN DEYİLƏM
Səndən, özümdən də daha bezmişəm,
Özümün cəzamdı özüm dözmüşəm.
Yayından ayrılmış oxam, süzmüşəm.
Mən bir də geriyə dönən deyiləm.
Huşunu ayıldıb taleyin daşı,
Təzədən gözündə olmuşam yaxşı.
Leysana dönsə də gözünün yaşı,
Sevinən deyiləm, sönən deyiləm.
Çarxım çevrilsə də, yatsa da baxtım,
Sellər aparsa da demərəm: "axdım”!
Görsəm ki, ucalıb göylərə qalxdın,
Sən qalxan zirvəyə enən deyiləm.
Sayfa 83
Yaxşı ki...
Yaxşı ki, dünyada yaşayıram mən,
Bir insan adını geyib əynimə,
Bir insan ömrünü alıb çiynimə,
Günlərdən-günlərə daşıyıram mən.
Heç mən olmasam da dünya olardı,
İnsanlar, qayğılar yenə vardılar.
Dünya bir ürəklik kasıblayardı,
Dostlar bir dost boyu qısalardılar.
Heç mən olmasam da, boş qalmaz yerim,
Min Fikrət tapılar tanışa, yada.
Mənim öz sevincim, mənim kədərim
Yetim qalacaqdı gözəl dünyada.
Mənim məhəbbətim bahar kimidir,
Nifrətim ən qəddar şaxta, ayazdı.
Bütün qapıları döyərdi bir-bir
Gecələr yatmağa sizi qoymazdı.
Sayfa 123
GÖZƏL DƏRD
Məhəbbətdə taleyin öz nuru var,
Gözəl arzu, saf niyyətdi məhəbbət,
Var-dövləti neyləyirsən, bəxtəvər,
Tükənməyən var-dövlətdi məhəbbət.
Vurulursan, adın çıxır yadından,
Həzz alırsan alovundan, odundan.
Doymaq olmur ağrısının dadından,
Şirin-acı həqiqətdir məhəbbət!
Sevirsənsə bilinəcək, gizləmə,
Heç kəsdən də kömək, vəfa gözləmə.
Sən alçalma, kölgə olub izləmə
Öz-özünə sədaqətdi məhəbbət.
Yanırsan yan, tüstülənmə, alışma,
Öz sevgini kimə gəldi danışma.
Bu bəladan sağalmağa çalışma,
Haqdan gələn gözəl dərddi məhəbbət.
Sayfa 78
YARIMÇIQ İŞ
Yarımçıq iş
Nişanlı qalan oğuldu, qızdı.
Yarımçıq iş
Barsız gələn payızdı.
Yarımçıq iş
Körpüsü tikilməyən yoldu.
Yolu olmayan eldi.
Sözü olmayan dildi.
Yarımçıq iş
Məqsədsiz işdi,
Mətləbsiz söyüşdü,
Məhəbbətsiz öpüşdü.
Yarımçıq iş
Tavansız damdı.
Göydən düşən
Evinə damdı.
Qardaş, xülasə
Yarımçıq iş
Yarımçıq adamdı.
Sayfa 55
Mən başqa bir şeyəm
ruhumdakı hökm
başqa bir hökmdü.
Sayfa 231 - Şərq-Qərb NəşriyyatıKitabı okudu
Gizli sevgi
Sevgimdən qaçmışam uzaq şəhərə,
Burda da həsrətin gəlib dayanıb.
Ətrin səpilibdir bütün güllərə,
Gözünün rənginə göylər boyanıb.
Səninçün dünyada bəlkə yoxam mən,
Səni sevdiyimi heç bilməyirsən.
Gündüz xəyalımdan, gecə yuxumdan,
Bir an da, bir an da çəkilməyirsən.
Ürəyim, daşa dön, bu sirri saxla!
Bu sevgi, bu bəla hardan enibdi.
Bizim taleyimiz evlə, uşaqla
Hərəsi bir yana zəncirlənibdi...
Ölüncə eşqinlə olacağam mən,
Mən sənin ruhunda, qanında varam.
Üstünü kül örtmüş bir ocağam mən,
Balaca bir mehdən qaynayar yaram.
Sayfa 91
Bu Gün
Məhəbbət süzülür
torpağa-daşa
Çaylar süd rənginə
Boyanıb gedir.
Bu ay işığından,
Bu məhəbbətdən
Dağlar ağır ağır
ayağa qalxır.
Bulağın sevgisi
Gözündən axır.
Zirvələr az qalır göyə dırmaşa
Ürəyim partlayır məhəbbətimdən
bu yaz gecəsində,
ay işığında,
Yolun ortasında,
Göz qabağında
az qalır ağactək,
pöhrəliyim mən.
Sayfa 124
KEÇİB GEDƏCƏK
Keçib gedəcəkdi
bu ağrı-acı,
bir vaxt olmayacağam
xoş gün tamarzısı,
kömək möhtacı.
Mən sürət götürmüş
bir qatar kimi
Sayfa 102
Acı-şirin ağrılar,
Ömürdü keçər gedər,
Bu dünyada hər nə var,
Ömürdən keçər gedər.
Sayfa 209 - Şərq-Qərb NəşriyyatıKitabı okudu
İNFARKT
Ürək doğuldu,
böyüdü, yaşa doldu,
İnfarkt oldu.
Yüz yana yozdular səbəbini,
Axtardılar çarəsini də.
Əsl səbəbi
ani intizar idi
"hə" ilə "yox" arasında.
Sayfa 27