Fikrət Qoca Sözleri ve Alıntıları
Fikrət Qoca sözleri ve alıntılarını, Fikrət Qoca kitap alıntılarını, Fikrət Qoca en etkileyici cümleleri ve paragragları 1000Kitap'ta bulabilirsiniz.YAŞ O YAŞ DEYİL Kİ...
Sən mənim ən əziz sirrim, istəyim,
Sən mənim ən acı həqiqətimsən.
İtmiş gəncliyimdən soraq gətirən,
Sən mənim ikinci məhəbbətimsən.
Yaş o yaş deyil ki, yolunu kəsim,
Yaş o yaş deyil ki, açım qəlbimi.
Təzədən başlayım barışım, küsüm
On yeddi yaşında cavanlar kimi.
Yaş o yaş deyil ki, səni izləyim,
Özümü odlara toxuyum yenə.
Durub saatlarla vədə gözləyim,
Görənlər, bilənlər nə deyər mənə.
Səni hər görəndə çaşıram düzü,
Hamı mənə baxıb gülür elə bil.
Dilimi dişləyib demirəm sözü,
Yaş o yaş deyil ki... hayıf ki, deyil.
Sayfa 137
HƏKİM VƏ XƏSTƏ
Dedilər: ağır xəstədir.
Xəstə lap can üstədir.
Həkim işə girişdi.
Dedi: çox ağır işdir.
Vaxt əridi, gün keçdi,
Həkim lap əldən düşdü.
Xəstə də durub baxır,
Nə ağlamır, nə gülmür.
Həkim yazıq neyləsin?
Xəstə dirənib durub,
Xəstə ölmür ki... ölmür!
Yalan yaşar, amma meydan yalana qalmaz.
Sayfa 104
QATİL KİMDİR
Gülün gözəlliyi öz qatilidi,
Bülbülü ömürlük qəfəsə salan
Gözəl nəğməsidir, şirin dilidir.
Söz, sakit suya atılan daşın dairələri kimidi. Getdikcə böyüyür. Axırda heç tanımaq olmur. Ancaq onun əvvəlində bir həqiqət var ki, suya daş atılıb.
Ən qəddar adam da, qəddar yox ey, realist adam da, bir şeyi lap çox istəyəndə özünü aldadır, öz yalanına özü bilə-bilə inanır.