You can find Most Liked Fikrət Qoca books, most liked Fikrət Qoca quotes and quotes, most liked Fikrət Qoca authors, most liked Fikrət Qoca reviews and reviews on 1000Kitap.
Səni görməyəydim mən fağır, təki, -
Səni görən yazıq, görməyən yazıq.
Görməyən dünyada nə görübdür ki,
Görən nə çəkmişəm bilir mən yazıq.
Əl göydən üzülüb, ayaq da yerdən,
Görüb öz başıma iş açmışam, iş.
"Kaş ki, görməyəydim" desəm də hərdən,
Onu görməyincə mən heç nəyəmmiş...
Məhəbbət süzülür
torpağa-daşa
Çaylar süd rənginə
Boyanıb gedir.
Bu ay işığından,
Bu məhəbbətdən
Dağlar ağır ağır
ayağa qalxır.
Bulağın sevgisi
Gözündən axır.
Zirvələr az qalır göyə dırmaşa
Ürəyim partlayır məhəbbətimdən
bu yaz gecəsində,
ay işığında,
Yolun ortasında,
Göz qabağında
az qalır ağactək,
pöhrəliyim mən.
Ürək doğuldu,
böyüdü, yaşa doldu,
İnfarkt oldu.
Yüz yana yozdular səbəbini,
Axtardılar çarəsini də.
Əsl səbəbi
ani intizar idi
"hə" ilə "yox" arasında.