Hakan Yekbaş

AYRILIK ATEŞİ YAKARDI VÜCUDUMU GÖZYAŞLARIM YARDIMA GELMESEYDİ EĞER

1 Şeyh-i 'aşkın olalı bende-i dil irşâdı Oldı tesbîhime ezkâr-ı visâl evrâdı 2 Âteş-i hecr vücûdımı iderdi ihrâk Gözümün yaşı eger eylemese imdâdı 3 Girih-i zülfine bend olnuş olan tâ-be-haşr Kesin ümmîdi halâs eylemeniz feryâdı 4 Dilimi ceyş-i girişme ile şeb-hûn her ân Sen degilsin güzeliın yıkmaga kimdir bâdî 5 Yaraşur zülfüne kim Şâh Hülâgû diseler Eyledi bende bütün mülk-i dil-i Bagdâd'ı 6 Sanma bî-behre kalur 'ilm-i cefâdan Rûhî Var iken gamze-i bî-dâd gibi üstâdı

Sayfa 338Kitabı okudu

Abdullah GÖNÜLDAĞLI

346 syf.

· Kitabı okudu

10/10 puan verdi

Beğendi

21 günde okudu

KİTAPLIĞINIZDA YER VERİN

Bu Divanı epey zamandır siz değerli 1000 K okurlarına arz etmeye çalıştım.Bir çok şiiri bütün olarak paylaştım çünkü anlam ve güzelliği bozulmasın istedim. Bir çok kelime yabancı gelse de çok zevkli ve keyifli bir divan olduğunu, ısrarla okumanızı tavsiye ederim.( Özellikle de Sivaslı dostlara ) Yapmış olduğunuz takip,beğeni ve desteğinizden dolayı çok teşekkür ederim sağolun Canlar.

Sivaslı Ruhi DivanıHakan Yekbaş · Sivas Belediyesi · 20173 okunma

Reklam

Abdullah GÖNÜLDAĞLI

..... K A L M A D I

1 Dehrden çekdim elim bir iştigâlim kalmadı Kâm-ı vasl-ı hûblar içün kîl ü kâlim kalmadı 2 Ârzûsın çekdügim meh-pâre gizlü dün gice Bezme geldi anda hulyâ-yı visâlim kalmadı 3 Tâ'ir-i dil evc-i istignâda cilve-ger iken Sındırup seng-i kazâ pervâza bâlım kalmadı 4 Sûz-ı hasret yakdı cismim gülsitân-ı dehrde Başıma sâye tutar serv-i nihâlim kalmadı 5 Vâsıl-ı feyz-i kemâl Emrâh'ı dirlerdi bana Rûhîyâ 'ayne'l-yakîn gördüm su'âlim kalmadı

Kitabı okudu

Abdullah GÖNÜLDAĞLI

KAVUŞMA ARZUSU BENİ HELÂK EYLER

1 Sende bu 'işve girişme derd-nâk eyler beni Vehmim ol mecnûn 'aşka iştirâk eyler beni 2 Zîr-i fesden heft-ser ejder gibi idüp gulüvv Zülfün ey şûh-ı gül-endâm vehm-nâk eyler beni 3 Çeşm-i cellâdınla seyf-i kaşın almış araya N'ola ey meh kim günâhım çâk çâk eyler beni 4 Sen ne hâcet kasd-ı cân itmek bana ey derd ü gam Ârzû-yı vuslat-ı cânân helâk eyler beni 5 Rûhî'ye besdir bu lutfun günde dâgım tazele İstemem özge vefâ cevrin helâk eyler beni

Sayfa 333Kitabı okudu

Abdullah GÖNÜLDAĞLI

.....ÂHIM TE'SÎR ETMEDİ

1 Yine bülbül ol güli gülşende dil-gîr itmedi Yine âhım gül-ruhun gûşuna te'sir itmedi 2 Eyledi ta'lim 'aceb kankı mü'ellifden güzel Cevr bahsinde mesâ'il kâdı tefsîr itmedi 3 İtdi Behzâd nice bin tasvîr-i hûb büt-hânede Sen gibi bir sûret-i meh-pâre tasvîr itmedi 4 Şerh-i ma'nâmın mezâyâsın mu'abbir fehm idüp Var hicrân gördigim rü'yâyı ta'bîr itmedi 5 Anladı nabzın mu'âlicler bırakdı destini Derdine ey Rûhîyâ bir çare tedbir itmedi

Sayfa 329Kitabı okudu

Abdullah GÖNÜLDAĞLI

DÖKE DÖKE GÖZÜMDEN AKACAK BİR DAMLA KAN KALMADI

1 Çekdigim cevre cihânda hadd ü pâyân kalmadı Gözlerimden katre katre çıkdı hiç kan kalmadı 2 Seyl-i eşkimdir disem tûfân-ı Nûh 'ucb itmeniz Gûne yaşım dökmedik sahrâ-yı yabân kalmadı 3 Arz kıldım derdimi dermâna vardım dir tabîb Senden öndin aldılar bî-çâre dermân kalmadı 4 Tutmaga dâmânını dâ'im uzatdım 'aksine N' eyleyem döndi felek bir lahza meydân kalmadı 5 Yanmadan dil tut kenârı şevk-i bâg-ı dehrden Başına sâye tutar serv-i hırâmân kalmadı 6 Nûş idüp mest oldı ehl-i bezm benden özgece Bir tolu sâgar tutar meclisde yârân kalmadı 7 Virse gûn-â-gûn sadâ Rûhî yeridir ney gibi Deldi yer yer sînemi 'âlemde peykân kalmadı

Sayfa 323Kitabı okudu