“...Quranın bu kimi yerlərdə xüsusi olaraq "zövc", yəni "tay" kəlməsinə təkid etməsinin səbəbi "həyat yoldaşı" və “arvad" sözlərinin "tay" sözünün mənasını ifadə etməməsidir.
Çünki “tay" sözü onların bir-birinə ehtiyacının olması, hər birinin mövcudluğunun digərinin vücudunu təkmilləşdirməsi və bir-biri ilə əlaqələrinin olmadığı təqdirdə yaradılışın hədəfinin hasil olmaması mənası ifadə edir.”
“Hər bir insanın ruhi ehtiyaclarından biri məhəbbətdir.
İnsanın qəlbi məhəbbətlə döyünür və ailə mühitində hər şeydən çox məhəbbətə ehtiyac var.
Evi işıqlandıran məhəbbət nurudur. İçində məhəbbət çırağı yanmayan ev “ölülər" məskənidir.”