İlham Musaoğlu - 1000Kitap

Gəncə şəhərində doğulub, orta və ali təhsilini də burada alıb. GDU-nun tarix fakültəsini fərqlənmə diplomu ilə bitirib, şəhər 1 nömrəli orta məktəbdə müəllim kimi əmək fəaliyyətinə başlayıb,bir müddətdən sonra təlim-tərbiyə işləri üzrə direktor müavini vəzifəsinə irəli çəkilib. 1981-1992-ci illərdə Nizami rayon Təhsil Şöbəsində inspektor , 1992-1997-ci illərdə, 31 saylı orta məktəbin direktoru işləyib. Ömrünün 40 ilə yaxın bir dövrünü gənc nəslin təlim-tərbiyəsinə həsr edib. Hazırda 30 nömrəli tam orta məktəbin direktorudur. O, 20 ildən artıqdır ki, Yeni Azərbaycan Partiyasının üzvüdür. Ədəbi fəaliyyətə hələ ötən əsrin 70-ci illərində başlayan İlham Musaoğlunun “Görüşə tələsən qız” adlı ilk şeiri 1976-cı ildə “ Kirovabad kommunisti”(indiki “Gəncənin səsi”) qəzetində dərc olunub. Respublikanın əməkdar jurnalisti, yazıçı Qərib Mehdinin təsis etdiyi “İlham” ədəbi birliyinin fəal üzvlərindən olub. “Sevən ürək”(1995), “Ürək məni dağa apar”(1996), “Ürəksiz yaşamaq olmaz”( 1998), “Ürəkdən gələn duyğular”(2004), “Ürəyimin ağrıları”(2010), “Ürək hələ cavandır”(2014) kitablarının müəllifidir. İlham Musaoğlu AYB, AJB və Aşıqlar Birliyinin üzvü, “Qızıl Qələm” mükafatçısıdır. “Əmək igidliyinə görə” medalı ilə təltif olunub.

Unvan:

Yazar

Doğum:

Azərbaycan/Gəncə, 22 Mayıs 1955