Mamosta Îhsan Esparî reyna şîîrê weşî nuştî. Merdim wexto ke şîîranê ey waneno eşkeno wextanê zaf rewênan de biciwîyo. Seke kewto makînaya zemanî û goreyê keyfê xo geyreno. Ez mamostayî rê zaf sipas kena.
"Beyi Se Bena?" bi hîkayeya xo ya herikbare erjîyena ke biba yew kayê tîyatroyî yan zî fîlmêko kilmek. Teswîrê karakteran û cayan bi çekuyanê cuya dewe bîyo dewlemend.
Nuştox rasta zî peynîya hîkaye de wendoxan meraq de verdeno ke aqubetê Beyi gelo se bi.
Hîkaye hem fekê nuştoxî ra hem fekê karakteran ra ameya nuştene. Bitaybetî zî wexto ke behsê demanê verênan beno karakterî yewbînan teswîr kenê.
Qapaxê çapê yewinî de muhtewaya hîkaye hîna weş aseno. Eke ez kilmek vaja mi hîkaye zaf ecibna.
Kitabê J. Îhsan Esparî de şîîrî derheqê sînayîş, tarîx, eşq, waştî ûsn. de ameyê nuştene. Her şîîre de heta her çeku de yew hostayî esta. Mi nêzana ke ez binê kamcîn rêzan xêz bikera, kamcînan xêz nêkera. Her çeku hişê merdimî de xo erzena cayêk û uca de manena. Heyanî heyan uca de, cayê xo de...
Kitabî de nameyê homayan, şexşîyetanê muhîman, bajaran tam cayê xo de reyna bi baldarî û hostayîyêka bêhempa ameyê şuxulnayene.
Resmê ke ca bi ca kitabî xemilnenê zî çimê merdimî kenê mird û merdimî danê fikirîyayîş.
Eke şima hema nêwendo, şima rê pêşnîyazê mi ca de peyda bikerê û tehmê nê şîîran ra memanê.