Hakkında
Okurlar
1 okur okudu.
Sözler ve Alıntılar
Hîv birîndare,
Alîk birîne.
Her alîk maye.
Xwe avît avê,
Xwest bixeniqe,
Lê qe nikare.
Hîva birîndar.
Îşev ser avê
Lal diperite.
Dilêm wire, li wan ç’ya,
Li wan cya,
Kîderê ku zeng û zinar
Bona kurda bûne sitar,
Kîderê çem dikewgirîn,
Wexta dişon hezar birîn,
Birînê wan lawê efat,
Ku hiştine mal û xebat,
Tu destpê dikî şêrê dinivîsî,
Hezar dinya tê dikeve nav dil,
Hezar birûskin mejyê teda.
Tu diçerçirî, tu diperitî,
Lê tu nizanî -
Kîderê, çiçax û çi teherî
Tê vê şêra xwe ta’mkî, xilazkî.
Usa jî emin -
Benî ademin,
Tucar nizanin -
Kîderê, çiçax û çi teherî
Rênga emirê xwe emê xilazkin.
Her pencerek
We’de xweda xewra diçe,
Her pencerek
We’de xweda hişyar dibe,
Lê pencera dayka reben,
Ku tek kurekî wê hebû,
Lê ew jî çû şêr’da canda,
Gelek şeva qe ranazê.
Ez destê xwe didim
Ser bedena darê,
Û destê min hêdî
Ricafa wê dibhê.
Û dar dijî, dijî
Ne ku tenê boy xwe,
Lê bona min, boy te
Û bona wî dijî.
Ba belgê darêda
Xwera nerm distirê,
Kilama wê xweşe,
Ça berbanga sibê.
Û dinê bona min
Dîsa xweşe, teze
Çawa teze bû, ew,
Wexta ku zar bûm ez.
Dar bi ricafa xwe
Bin destê min vira
Kilama zarotya
Merivaê distire.
İletiler
Henüz kayıt yok
Yorumlar ve İncelemeler
Henüz kayıt yok