Ağaoğlu Mirmehdi Mirkazım oğlu 15 oktyabr 1982-ci ildə Neftçala rayonunun Aşağı Qaramanlı kəndində anadan olub.
1990-2000-ci illərdə Bakı şəhəri Sabunçu rayon 170 saylı orta məktəbdə təhsil alıb.
2000-2004-cü illərdə Azərbaycan Dövlət İqtisad Universitetində mühasibat uçotu fakültəsində oxuyub.
2005-ci ildə hərbi xidmətini başa vurduqdan sonra bir müddət müxtəlif sahələrdə çalışıb, 2008-2012-ci illərdə isə "Xalqbank"da kassir vəzifəsində çalışıb. 2012-ci ildən isə "Kulis.az" internet dərgisində redaktor vəzifəsində çalışır.
Yaradıcılığa şeirlə başlasa da qısa müddətdən sonra nəsrə keçib. Köşə yazıları, hekayələr və roman yazır. 2005-ci ildən mətbuatda dərc olunur.