Sən gəldin,
Zülmətdən gün çıxdı birdən,
Nə qədər ecazkar göründü cahan?
Səni gözləmişdim ömrüm boyu mən,
Söylə, bəs hardaydın sən bu vaxtacan?
Keçib göy dərəni,
yaşıl çəməni,
Onlar görüşdülər... Aylı gecəydi..
Oğlan pıçıldayır: "Sevirəm" - dedi,
– Əhdindən dönənin gözü oyulsun!
Ay da sevgimizə qoy şahid olsun!
Onlar ayrıldılar... Aylı gecəydi..
Oğlan başqasına: "Sevirəm" - dedi,
Ay girdi buluda üzündə kədər,
Qorxdu.. bir də onu şahid çəkələr..