Dünya, bir sirrini aşkar et mana,
Nədən parlayırsan, nədən sönürsən?
Bu qədər siqləti alıb arxana,
Sən öz mehvərində necə dönürsən?
Kaş güllər, çiçəklər olaydı yükün,
Ağır mərmiləri daşımayaydın.
Alnından şəfəqlər öpəydi hər gün,
Sis-duman içində yaşamayaydın.
Üfüqlərin təmiz, səhərin aydın,
Əbədi baharla gözlərin aydın!
Dünyam, gözəl dünyam, işıqlı dünyam,
Həmişə aydınlıq içrə olaydın...
DOST
Dar gündə başımın üstünü aldın,
Əzəldən tanıyıb bilmədiyim, dost.
Halıma acıdın, dərdimə qaldın,
Xoş gündə danışıb, gülmədiyim, dost.
İsitdi qəlbimi bütün bir qışı,
Mavi gözlərinin həzin baxışı,
Nə yaxşı tanıdım, səni nə yaxşı,
Eşqini qəlbimdən silmədiyim, dost...
Könlümdə sönməyən bir işıq yanır,
Onu sən yandırdın məhəbbətinlə,
Elə bil nurlandı gözümdə cahan,
Elə bil nur yağdı çiçəyə, gülə.
Onu sən yağdırdın məhəbbətinlə...✨
youtu.be/qMwUjU7hLBk
Mən ki, doymamışdım heç vüsalından,
Mənə zülm eylədi yaman ayrılıq.
Nə olardı bir gün durub yuxudan
Görəydim ki, olub yalan ayrılıq…
Biz ki, bir ruh idik iki bədəndə,
O gülüb-sevinsə gülərdim mən də,
Mən niyə baxıram yollara yenə?
Sən ki bu yollardan gələn deyilsən…
Bir zaman qoymazdın ürəyim yana
İndi bir dərdimi bilən deyilsən.
Qəmimdən xəbərsiz, məndən xəbərsiz
Daha bu yerlərdə salmadın bir iz
Ürəyim nə yaman darıxır sənsiz
Sən ki bir danışıb gülən deyilsən.
İnsan baş çıxarmır bəzən özündən
İnciyir dostunun bircə sözündən
Mən çox ağlasam da sənin üzündən,
Sən ki göz yaşımı silən deyilsən.
Mən niyə baxıram yollara, yenə
Sən ki, bu yollardan gələn deyilsən
Bir zaman qoymazdın ürəyim yana
İndi bir dərdimi bilən deyilsən...
youtu.be/ssKlXRaLZJ4
Ala gözlüm, səndən ayrı gecələr,
Bir il kimi uzun olur, neyləyim?
Bağçamızda qızıl güllər hər səhər
Tezdən açır, vaxtsız solur, neyləyim?
Nərgizlərin gözü yaşla dolanda,