Hakkında
Tam adı:
Niyaməddin Surəddin oğlu Kəbirov
Unvan:
Şair
Doğum:
Qorxmazoba, Quba, Azərbaycan, 1976
Okurlar
1 okur okudu.
Kitaplar
Sözler ve Alıntılar
Füzuliyə nəzirə.
Şad oldu könül qaməti rənaya baxanda,
Ruhum sevinir gözləri şəhlaya baxanda.
Gül mövsümü tər lalə bitir cüt yanağında,
Qanım durulur qaş-gözü ox-yaya baxanda.
Gündüzlər onu axtarıram güllər içində,
Aydın gecə əksin görürəm Aya baxanda.
Gördükdə məni xoş meh ǝsir şux camalından,
Canım üzülür zülfünaz simaya baxanda.
Gözdən könülə gəldi bəla - odlu məhəbbət,
Qeysə naşı "Məcnun" dedi, Leylaya baxanda.
Hikmət dolu min bar tökülür hüzn ağacından,
- Əqlinlə taraz et sözü misraya baxanda.
Xalis qələmin sehrinə söz sərrafı düşsə,
Aləm görəcək nur yolu - mənaya baxanda.
Səndən savayı görmədim aləmdə həyalı,
nazəndə maralı,
Əqlim dedi: sev, yoxdur o dilbərdən aralı
ilqarlı, vəfalı!
Dünyada səni çoxları sevdi, məni sevdin,
yaz, gülşəni sevdin,
İdrakına mat qaldı fəqir, pullu-paralı,
azdırmı yaralı?!
Qədrin bilən olmazdı yəqin böylə zamanda
məntək bu cahanda,
Əhdin də mənimlə qoşa görməkdi vüsalı
əlçatmaz hilalı.
Sənsən mənim aləmdə tacım, dövlətü varım,
dağlarca vüqarım,
İstər səni aşiq ki, keçə ömrü səfalı,
daşdıqca xəyalı.
Qızılgülünəm mən.
Çox çəkmə sınağa məni, ey gül, həminəm mən,
qəm yelkəninəm mən.
Yox tabım, inan, həsrətinə, bax, həzinəm mən,
qəmgin, qəminəm mən.
Döndün mələyə, sən demə, varmış mələk insan,
canım sənə qurban.
Sən nurlu günəşsən mənə gündüz, - əminəm mən,
axşam şəminəm mən.
Şahanə gözəlsən, bütün ellər bilir, ey şux, qul,
çakərin olduq.
Ağır yük imiş sevgi, işi çox çətinəm mən,
lakin mətinəm mən.
Şirinmidir ismin? - deyə sordum yuxuda mən,
röya budur, əhsən!
- Şirin, - dedi, deyiləm, nə əsən xoş mehinəm mən,
Qızılgülünəm mən!
Taparsan məni...
Gəzmə dağı daşı, düşmə çöllərə,
Qəlbinin başında taparsan məni.
Ağla eşqimizi dərən illərə,
Gözünün yaşında taparsan məni.
Sənsiz mən neylərəm, ay qaşı kaman,
Mənsiz taleyini alar sis, duman.
Ömrün baharında itirsən cavan,
Gün gələr, qışında taparsan məni.
Sevən qəlblərimiz sahilsiz dərya,
Hərəsi bir həzin, uyğusuz röya.
Saçına yağsa qar, qaralar dünyam,
Həyat yoxuşunda taparsan məni.
Necə bir qəribi sıxanda qürbət,
Çırpınar ürəyi vətənə doğru...
Sınama qəlbinə munis adamı.
Azdıran qəlbimi dumanda sənsən.
Eynimdə, beynimdə əksin dolanır.
Özgəyə yox məkan, gümanda sənsən.
Həm camal, həm kamal aynasısan sən,
Adına layiqdir toxunan şeir.
Dünyada yaxşı da, yaman da sənsən,
Eşqinə nəğmədir oxunan şeir.
Qınama bu qədər, qınama məni,
Bəlkə bərkə-boşa düşməmişəm mən?!
Sınama bu qədər, sınama məni,
El bilir, yanmışam, bişməmişəm mən.
Güzarım hayana düşsə də fəqət,
Burulur yollarım hey sənə doğru.
Necə bir qəribi sıxanda qürbət,
Çırpınar ürəyi vətənə doğru.
İletiler
Mən sənli qəmlənib, sənli gülmüşəm,
Həsrətin qəlbimi yaxıb, yandırıb.
Sanki bu dünyaya onda gəlmişəm, -
Baxışın qəlbimi alovlandırıb.
O şəhla gözlərdə sehr var məncə,
Hər baxış bir dünya səadətimdir.
O ala gözlərdə hər şeydən öncə
Sezdiyim utancaq məhəbbətindir.
Dil aça bilməyib, lal olub eşqin,
Həsrətlə gözlərin dolmasın deyə.
Qonub yanağına xal olub eşqin
Könlünün çiçəyi solmasın deyə.
Xoş gündə edənsən zil gecəmi dan,
Dar gündə qəlbimə təpər, dözümsən.
Xoşbəxtlik ummuram günəşdən, aydan
Səadət günəşim sənin özünsən!
Niyaməddin Xalis
Qızılgülünəm mən!
Çox çəkmə sınağa məni, ey gül, həminəm mən,
qəm yelkəninəm mən.
Yox tabım, inan, həsrətinə, bax, həzinəm mən,
qəmgin, qəminəm mən.
Döndün mələyə, sən demə, varmış mələk insan,
canım sənə qurban.
Sən nurlu günəşsən mənə gündüz-əminəm mən,
axşam şəminəm mən.
Şirinimdir ismin?- deyə sordum yuxuda mən,
röya budur, əhsən!
- Şirin,-dedi, deyiləm, nə əsən xoş mehinəm mən,
Qızılgülünəm mən! 🌹
Niyaməddin Xalis
Həm camal, həm kamal aynasısan sən,
Adına layiqdir toxunan şeir.
Dünyada yaxşı da, yaman da sənsən,
Eşqinə nəğmədir oxunan şeir.
Güzarım hayana düşsə də fəqət,
Burulur yollarım hey sənə doğru.
Necə bir qəribi sıxanda qürbət,
Çırpınar ürəyi vətənə doğru...
Niyaməddin Xalis
Yorumlar ve İncelemeler
Henüz kayıt yok