Nizami Gəncəvi Gönderileri
Nizami Gəncəvi kitaplarını, Nizami Gəncəvi sözleri ve alıntılarını, Nizami Gəncəvi yazarlarını, Nizami Gəncəvi yorumları ve incelemelerini 1000Kitap'ta bulabilirsiniz.
Kamillər belə bir şaha ağ olmaz,
Günəşi palçıqla suvamaq olmaz!
GECƏNİN VƏSFİ VƏ KÖNÜLƏ DALMA
İnan, nemət sayılmaz cahan səltənətləri,
Min qızılın bir dostdan üstün deyil dəyəri.
Yer üzündə hər kəsin dosta ehtiyacı var,
İllah, elə dosta ki, dar gündə dada çatar.
Mey dostları zay edər ayı, günü, həftəni,
Beləsindən ustün bil qapındakı cəftəni.
Sayfa 68 - "Lider" nəşriyyatKitabı okuyor
Bədən dediyin tozlanıb dağılan bir ovuc torpaqdır, yalnız qəlb, yenə də qəlb, çünki söz qəlbdədir.
ÖLÇÜLÜ SÖZÜN ÖLÇÜSÜZ SÖZDƏN ÜSTÜNLÜYÜ
Qızıl üçün, zər üçün sinov gedən həriflər
Sənətin sikkəsini, görün nəyə veriblər?!
Qızıl sözü qızıla dəyişənlər alçalır,
Zülmətə işıq salan ləli verir, daş alır.
Sayfa 62 - "Lider"nəşriyyatKitabı okuyor
Söz qoşmağın fəziləti haqqında
Bu sonsuz aləmdə ki, həm təzədir, həm köhnə
Tükü qırx yerdən bölən sözdən kəskin nə var,nə?
Sayfa 58 - "Lider" nəşriyyatKitabı okuyor
SON PEYĞƏMBƏR HƏZRƏT MƏHƏMMƏDƏ
ÜÇÜNCÜ GÖZƏLLƏMƏ
Ey varlığı ən təmiz ruhlardan daha təmiz!
Ruhuna canım fəda! Ulu peyğəmbərimiz!
Sənsən rəhmət yurdunun tən ortası, mərkəzi,
Qələminlə silindi hər zəhmətin nöqtəsi.
Sən Əcəm şahlarının həmişəlik şahısan,
Ərəb yolçularının Ayısan, pənahısan.
Yolu göstərməsən də, yol tapırlar sayəndə,
Baş kətxuda özünsən, kəndə heç dönməsən də.
Sayfa 41 - "Lider" nəşriyyatKitabı okuyor
Peyğəmbərin Meracı
O idrakın gözündən gizlənə bilməz heç vaxt,
"Onu görə bilmərik!" deyənlər kordu ancaq.
Tapmdığını görmək bir səadətdir, bəli,
Mütləq görülməlidir O, mütləq görülməli!
O pərdəni görməyə məkan varmı?Məkan yox.
Yürüməyə, çatmağa zaman varmı?Zaman yox.
O pərdənin ardını görməyi bacaranlar,
Məkanı tapmasa da, laməkana yol tapar.
Tanrı sifətlərini inkar küfrdür saqın,
Cahil olma, nə yönü, nə yeri var Allahın.
Tanrı var, fəqət onun mənzili, məqamı yox,
Məkana möhtac olan Tanrı sayılarmı? Yox!
Həzrət Məhəmməd onu başqa ölçüylə gördü:
Ürək, idrak gözüylə, zəka gücüylə gördü.
Haqqın hazırladığı meydən içdi Peyğəmbər,
Bizim də qəlbimizə damızdırdı bir qədər.
Sayfa 38 - "Lider"nəşriyyatKitabı okuyor
PEYĞƏMBƏRLƏRİN SONUNCUSU HƏZRƏT
MƏHƏMMƏDƏ GÖZƏLLƏMƏ
Təhsili olmasa da o, çox yüksəkdir, inan,
"Əlif' ilə Adəmdən, "mim" ilə Məsihadan.
Sədaqətdə, vəfada "əlif' gördülər onu,
Peyğəmbərliyin başı, peyğəmbərliyin sonu!
Məhəmməddir aləmin ən işıqlı nöqtəsi,
Bütün deyilmişlərə nöqtə qoyub nüktəsi.
Cahana baş əyməyən kamil kişi olsa da,
Öyünməkdən, kibrdən uzaq gəzdi dünyada.
Sayfa 33 - "Lider"nəşriyyatKitabı okuyor
İKİNCİ MÜNACAT
Ey hələ biz yox ikən var olan ülvi, uca!
Biz öləndən sonra da ey, əbədi qalacaq!
Dövran sənin əmrinin cilov çəkən nökəri,
Yəhərini daşıyır fələyin çiyinləri.
Biz ki, sənin qapını döyən dilənçi -yazıq...
Qulaqları qapıntək həlqəli qullarınıq.
Səndən savay heç kəsdən mehr ummadı qəlbimiz,
Heç bir könül tikənə minnətçi olmadıq biz.
Qorxumuz da səndəndir, ümidimiz də sənsən,
Biz suçluyuq, sən kərim, suçumuzdan keçənsən.
Köməksizik, çarə qıl, sənsən ümid yerimiz,
Sən də qovsan qapından, kimə yalvararıq biz?
Sayfa 30 - "Lider" nəşriyyatKitabı okuyor
Başlanğıc
Bismillahir-rəhmanir-rəhim.
Hikmət xəzinəsinə budur açar, ey həkim!
Odur fikrin əvvəli, odur kəlamın sonu,
Nə iş görsən, Tanrının adıyla qurtar onu
Sayfa 23 - "Lider" nəşriyyatKitabı okuyor